کولمبیا ده حربی بیر تیک اوچر نینگ قولشی عاقبتیده توقیز عسکر هلاک بولدی
کولمبیا رسمی‌لری، شمالی بولیوار ده حربی بیر تیک اوچر نینگ قولشی عاقبتیده اوشبو مملکت نینگ کمیده توقیز عسکری هلاک بولگنینی معلوم قیلگنلر.
فرانسه آژانسی نینگ معلوماتی اساسیده، کولمبیا جمهور باشلیغی جوستافو پيترو، ایکس صحیفه‌سیده بو تیک اوچر ۲۹ اپریل، دوشنبه کونی قولب توشگنینی یازگن.
اونگه کوره، ینگی کوچلر گلف قبیله‌سی گه ضد عملیات یولگه قوییش اوچون اوشبو منطقه ده جایله‌شیش پیتیده بو تیک اوچر قولب توشگن.
شو بیلن بیرگه، جمهور باشلیغ پیترو و کولمبیا اردوسی روسیه ده ایشلب چیقریلگن ام‌ای-۱۷ رسوملی تیک اوچر نینگ قولش سببی حقیده فکر-ملاحظه بیلدیرمه‌گنلر.
شمالی بولیوار، کولمبیا اردوسی کوکایین اېنگ بویوک مافیاسی بیلن اوروش ده بولگن منطقه سنله‌دی.
گلف قبیله‌سی اوشبو تیک اوچر نینگ قولش ده قولی بار می یوق همان نامعلوم، بیراق بو قیبله ده تورت مینگ جنگی کوچی بارلیگی اېتیله‌دی.
کولمبیا اردوسی گه کوره، مذکور تیک اوچر ده‌گی هېچ بیر عسکر تېریک قالمه‌گن.
۲۰۲۳ ییل بیرینچی می ده کیچیک بیر تیک اوچر آمازون اورمان‌لریده قولب که نتیجه ده بیر عیال، ایکّی پیلوت و باشقه بیر یولاوچی جان بیریب و باشقه بیرقطار یولاوچیلر لادرک بولگن اېدیلر.
