زلنسکی: روسیه بیلن اوروش‌ده ۵۵ مینگ اوکراین‌لیک عسکر هلاک بۉلگن
اوکراین جمهور رییسی، ولادیمیر زلنسکی، روسیه بیلن اوروش‌ده هلاک بۉلگن اوکراین‌لیک عسکرلر سانی، ۵۵ مینگ نفرگه یېتگنینی معلوم قیلدی.
زلنسکی، ۴- فبروری، چهارشنبه کونی، فرانسه۲ تلویزیونی‌ده بېرگن مصاحبه‌سیده بو رقملر مسلکی حربی‌لر و عادی عسکرلرنی اۉز ایچیگه آلیشینی ایتیب، روسیه هجوملری عاقبتیده اوکراین آغیر تلفاتلرگه اوچره‌گنینی تأکیدلدی.
اوکراین جمهور رییسی، شونینگدېک، مذکور مصاحبه، اولدن یازیب آلینگنینی و چهارشنبه کونی نشرگه اوزه‌تیلگنینی قۉشیمچه قیلدی.
اونینگ سۉزلریگه کۉره، جنگ میدانیده‌گی قربانلر سانی نینگ انیق بۉلیشی اوروش نینگ دوام اېتیشی همده اوکراین قوراللی کوچلری نینگ حالتی باره‌سیده‌گی خواطرلرنی ینه‌ده کوچیتیرماقده.
