روسیه مدافعه وزیرلیگی: ۲۴ ساعت ایچیده بیر مینگ‌دن کۉپ اوکراین عسکری هلاک بۉلدی
روسیه مدافعه وزیرلیگی اۉتگن ۲۴ ساعت ایچیده مملکت کوچلری اوکراین‌ده‌گی تورلی جبهه چیزیقلریده تخمیناً بیر مینگ و ۴۵۰ اوکراین عسکرینی یۉق قیلگنینی معلوم قیلدی.
تاس نشری، ۶- دسامبر، شنبه کونی، خبر بېریشیچه، روسیه تأکیدیچه، اېنگ کۉپ یۉقاتیشلر مرکزی، شمالی و جنوبی حدودلرده قید اېتیلگن.
مدافعه وزیرلیگی معلوم قیلگنیدېک، کی‌یف هجوملریگه جوابا روسیه کېنگ کۉلملی راکت تیزیملریدن فایده‌لنگن حالده اوکراین حربی، صناعت و انرژی اساسی توزیلمسی‌گه ضربه بېرگن.
شونینگدېک، روسیه کوچلری تورلی حدودلرده اوکراین انرژی تاسیسات‌لری، ترانسپورت تیزیمی و حربی جایلشوولرنی هم نشانگه آلگن.
اوشبو ضربه‌لر، امریکا نینگ تینچلیک مذاکره‌لریگه قره‌مه‌ی، روسیه و اوکراین اۉرته‌سیده‌گی اوروش دوام اېته‌یاتگن بیر پیتده عملگه آشیریلماقده.
