افغانستان ژورنالیستلر مرکزی: نور و بریا تلویزیونلری نینگ فعالیتی توخته‌تیلیش بویروغی ناقانونی دیر
۸صبح، کابل: افغانستان ژورنالیستلر مرکزی طالبان تامانیدن نور و بریا تلویزیونلری نینگ فعالیتی توخته‌تیلیش بویروغینی یېتکرمه‌لر قانونی گه قرشی دیب و مملکتده یېتکرمه‌لر اېرکین‌لیگینی چېکلش اته‌گن.
اوشبو نهاد ۲۹ حمل، چهارشنبه کونی بیر بیانیه ترقه‌تیب طالبان نینگ اوشبو بویروغی بیکار قیلینیشی و مذکور ایکیله تلویزیون ایشیکلری «شرط‌سیز و تېزلیک» بیلن آچیلیشینی اېسته‌گن.
طالبان حاکمیتیده یېتکرمه‌لر شکایت‌لرینی تېنگلش و خطالرینی تېکشیریش کمیسیون، اۉتگن کون کابل ده اوشبو گروه اخبارات و مدنیت وزیرلیگیده ییغیلیش اۉتکزیشیدن سۉنگ، بو ایکّی خصوصی تلویزیون نینگ یاپیش موضوع‌سینی اعلام قیلدی.
یېتکرمه‌لر شکایت‌لرینی تېنگلش و خطالرینی تېکشیریش کمیسیون اعضاسی ذبیح‌الله سادات افغانستان ژورنالیستلر مرکزی گه ایتیشیچه: «بو ییغیلیشده کمیسیون نور و بریا تلویزیونلری نینگ ایشلرینی تېکشیردی و نهایت بو ایکّی یېتکرمه نینگ ایشیگی ناقانونی و افغانستان ملی منفعتی گه قرشی فعالیتلری اوچون یاپیلیش گه قرار قیلیندی.»
سادات گه کوره، نور تلویزیونی موسیقه نشر قیلیش و دستور جریانیده عیال ایشلاوچیلری ماسک تاق مسلیکّه عیبلنگن.
اونینگ کوپه‌یتیریشیچه، بریا تلویزیونی امریکا بیلن طالبان مناسبتی خصوصیده اسلامی حزب رهبری گلبدین حکمتیار نینگ سۉنگی بیانات‌لرینی نشر قیلمسلیگی حقیده آگاه‌لنتیریلگن اېدی.
عین‌حالده، نور و بریا تلویزیونلری نینگ مسوولری افغانستان ژورنالیستلر مرکزی گه ایتیشلریچه، ایکیله یېتکرمه طالبان بویروغیدن سۉنگ فعالیتی توخته‌تیلگن.
افغانستان ژورنالیستلر مرکزی نینگ معلوماتی اساسیده، طالبان یېتکرمه‌لر شکایت‌لرینی تېنگلش و خطالرینی تېکشیریش کمیسیونیده قانون توزیلمه‌سی رعایت بولمسلیکّه قوشیمچه، بو گروه رژیمی سیاست‌لرینی عملگه آشیریش اوله‌راق قوللنیله‌دی.
طالبان عدلیه وزیری نیچه کون آلدین افغانستانده حزب‌لر نینگ فعالیتینی ناقانونی اعلام قیلگن بیرحالده، طالبان اسلامی و جمعیت حزب‌لری گه تیگیشلی بو ایکّی یېتکرمه فعالیتینی توخته‌تگن.
