طالبان خوست ده خاتین قیزلر نی یېتکرمه‌لر گه قونغیراق قیلیش‌لرینی منع قیلدی
طالبان خوست ولایتیده خاتین قیزلر نی رادیو و تلویزیون‌لر گه قونغیراق قیلیش‌لرینی منع قیلگن.
افغانستان خبرچیلر مرکزی ۵ حوت، شنبه کونی خوست ولایتیده طالبان امنیه قوماندانی عبدالرشید عمری امضاله‌گن رسمی بیر مکتوب نسخه‌سینی ترقه‌تگن.
اوشبو مکتوب ده خوست ولایتیده‌گی یېتکرمه‌لر مسووللری گه اولر قیزلر نینگ یېتکرمه‌لرگه تلفون قیلیش زمینه‌سینی یره‌تگن حالده، چقیریلیب و قییناق‌لنیش‌لری اوچون آگاه‌لنتیرگن.
مکتوب ده کیلیشیچه: «خوست ده‌گی رادیولردن قطاری اخلاقی فساد گه قول اوره‌دی مثال اوچون مکتب‌لر درس‌لری یا که اجتماعی دستورلرنی نشر قیلیش دیر که کوپ سانده قیزلر حصه قوشه‌دی.»
طالبان امنیه قوماندان‌لیگی نینگ کوپه‌یتیریشیچه: «درسی و اجتماعی اوشبو دستورلردن کیېن قیزلر رسمی و نارسمی وقت‌لرده دستور نطاق‌لری بیلن نامشروع قونغیراق قیله‌دی، بو کبی قونغیراق‌لر بیر تاماندن جامعه نی اخلاقی فساد گه سوق بیره‌دی و باشقه تاماندن اسلام قدریت‌لری گه ضد دیر.»
اوشبو مکتوب ده محلی رادیو و تلویزیون‌لر مکتب‌لر نینگ درسی دستورلرینی نشر قیلیش اوچون معارف ریاستیدن رخصت آلمه‌گنی قید ایتیلگن و شونینگدیک مذکور ولایت معلومات و مدنیت ریاستی دن بو خبرنی یېتکرمه‌لر بیلن شریک قیلیشی سۉره‌لگن.
عین‌حالده، افغانستان خبرچیلر مرکزی اوشبو دستور یامان عاقبتیدن آگاه‌لنتیریب و تېزلیک بیلن بیکار قیلینیشینی سۉره‌گن.
افغانستان خبرچیلر مرکزی طالبان نینگ بو اقدامینی یېتکرمه‌لر قانون-قاعده‌لری گه قرشی دیگن.
اوشبو نهاد نینگ معلوماتی اساسیده، حاضرگی کونده خوست ولایتیده ملی رادیو-تلویزیون گه قوشیمچه، ۱۵ رادیو اوچ تلویزیون فعالیت قیلماقده.
ایتیش کېره‌ک که طالبان ایکّینچی مرته حاکمیت نی آلگندن بیری، یېتکرمه‌لر و خبرچیلر گه کېنگ کولمده چیکلاو یره‌تیب و نیچه مراتبه خبرچیلرنی حبس گه آلیب و قییناق‌له‌گن.
