افغانستان یېتکرمه‌لرینی قۉللب-قوّتلش تشکیلاتی: ۸صبح افغانستان‌نینگ یېتکچی، اېرکین و تاثیرچن عامه‌وی اخبارات واسطه‌لریدن بیری دیر
۸صبح، کابل: افغانستان یېتکرمه‌لرینی قۉللب-قوّتلش تشکیلاتی (AMSO) بیانات ترقه‌تیب، ۸صبح گزېته‌سی‌نینگ فعالیت یوریته‌یاتگنیگه ییگیرمه ییل تۉلیشینی تبریکله‌دی و اوشبو عامه‌وی اخبارات واسطه‌سی‌نینگ اخبارات یېتکزیش همده کسبی قدریتلرنی حمایه قیلیشده‌گی رۉلینی قدرله‌گنینی بیلدیردی.
مذکور تشکیلات جمعه آقشامی، ۱- جوزا کونی ترقه‌تگن بیاناتیده، ۸صبح‌نی افغانستان نینگ یېتکچی، اېرکین و تاثیرچن عامه‌وی اخبارات واسطه‌لریدن بیری دېب تعریفلب، بوگونگی آغیر شرایطلرده اوشبو عامه‌وی اخبارات واسطه‌سی‌نینگ فعالیتینی دوام اېتتیره‌یاتگنی اونینگ حقیقت و ژونالیست‌لیک کسبی تمایللریگه صادقلیگینی کۉرسه‌تیشینی ایتگن.
تشکیلات بیاناتیده ایتیلیشیچه، سۉز اېرکینلیگی و ژونالیست‌لیک دایما تهدید همده انقراضلرگه دوچ کېلیب کېلگن افغانستانده ایکّی اۉن ییللیک عامه‌وی اخبارات فعالیتی شونچه‌که ایش دوری اېمس، بلکه «حقیقت و کسبی قدریتلرنی حمایه قیلیش تاریخی» حسابلنه‌دی.
افغانستان یېترمه‌لرینی قۉللب-قوّتلش تشکیلاتی قۉشیمچه قیلیشیچه، طالبان مملکتنی قَیته اېگه‌له‌گنیدن کېین هم ۸صبح سورگونده اۉز فعالیتینی دوام اېتتیریشگه و افغانستاندهگی واقعه‌لرنی یاریتیشگه موفق بۉلگن.
اوشبو تشکیلات تاکیدلشیچه، ۸صبح‌نینگ سورگونده هم نشر اېتیلیشی «افغانستان خلقی نینگ آوازی و پارلاق یۉلی اۉچمه‌یدیگنلیگینی» اثباتله‌یدی.
بیانات‌نینگ بیر قِسمیده ایتیلیشیچه، ۸صبح گزېته‌سی جماعه‌سی کۉپلب قیینچیلیکلرگه قره‌مه‌ی، مملکتده‌گی حقیقت‌لرنی یاریتیش، انسان حقوقلری بوزیلیشی حالتلرینی فاش اېتیش و فساد مسأله‌لریگه اعتبار قره‌تیشده فعال رۉل اۉینه‌ب کېلماقده.
افغانستان یېتکرمه‌لرینی قۉللب-قوّتلش تشکیلاتی یکونده ۸صبح‌نینگ مسووللری، رهبرلری و مخبرلریگه آغیر شرایطلرده عامه‌وی اخبارات فعالیتینی دوام اېتتیره‌یاتگنی اوچون منّتدارچیلیک بیلدیریب، اوشبو عامه‌وی اخبارات واسطه‌سی اۉز کسبی فعالیتینی دوام اېتتیریشیگه امید بیلدیرگن.
۸صبح گزېته‌سی قویاش ۱۳۸۶-ییلده تشکیل اېتیلگن بۉلیب، ایکّی اۉن ییللیک دوامیده ینگیلیکلر، راپورتاژلر، سوریشتیروو ماتریاللری، اینتېرویولر، تحلیللر و عیاللر مسأله‌لرینی مخصوص یاریتیش یۉنه‌لیشلریده کېنگ فعالیت آلیب بارگن.
