«پولیوسیز افغانستان» تشکیلاتی باله‌لر اوچون ضرور واکسین‌لرنی قۉللش کمپاینی باشلنگنینی معلوم قیلدی
۸صبح، کابل: «پولیوسیز افغانستان» تشکیلاتی باله‌لر‌نینگ خوفسیزلیگینی آشیریش مقصدیده تېزکار کۉپ واکسین‌لی اېملش (MAAC) کمپاینی باشلنگنینی معلوم قیلدی. اوشبو کمپنی دایره‌سیده باله‌لر‌نینگ یاشی و احتیاجیگه قره‌ب بیر قطار ضرور واکسین‌لر ترقه‌تیله‌دی.
بو تشکیلات شنبه کونی، ۱۰ اسد، ایکس صحیفه‌سیده یازیشیچه، اوشبو کمپاین دایره‌سیده آغیز آرقه‌لی بېریله‌دیگن پولیو واکسینی (OPV) بیلن بیر قطارده، باله‌لر‌نینگ بو کسللیککه قرشی حمایه‌سینی ینه‌ده کوچه‌یتیریش اوچون (IPV) واکسینی هم قۉللنیله‌دی.
قیزه‌میق و پنتاوالنت واکسینی هم اوشبو کمپاین‌نینگ بیر قِسمی بۉلیب، اولر دیفتری، کۉک‌یۉتل، کزاز، هپاتیت «بی» و «اچ‌آی‌بی»، بېش ته خوفلی کسللیک‌نینگ آلدینی آلیشگه خدمت قیله‌دی.
«پولیوسیز افغانستان» تشکیلاتی قۉشیمچه قیلیشیچه، باله‌لرنی جدّی یوقوملی کسللیکلردن حمایه قیلیش اوچون یوتل‌گه قرشی واکسین، شونینگدېک، اوشبو ویروس سببلی یوزه‌گه کېله‌دیگن آغیر ایچ کېتیشلر‌نینگ آلدینی آلیش اوچون «روتاویروس» واکسین هم اوشبو دستور دایره‌سیده تقدیم اېتیله‌دی.
«پولیوسیز افغانستان» تشکیلاتی اۉتگن کون کۉپ واکسین‌لی تېزکار اېملش کمپاینی شنبه کونیدن باشلب افغانستانده باشلنیشی و ۱۰ کون دوام اېتیشینی معلوم قیلگن اېدی.
