امریکا: اسراییل مسجدالاقصی ده نماز اوقووچیلر گه قولی‌لیک یره‌تسین
امریکا تشقی ایشلر وزیرلیگی سۉزلاوچیسی متیو میلر، اسراییل رمضان آی ده نماز اوقووچیلر نینگ مسجدالاقصی گه کېریشی گه توسیق بولمسلیگینی ایتگن.
میلر بو سۉزلرنی ۲۸ فبروری، چهارشنبه کونی خبرچیلر گه ایتگن.
آلدینراق اسراییل ایچکی خوفسیزلیک وزیری ایتامار بن گویر رمضان آی ده مسجدالاقصی گه فلسطین‌لیک‌لر نینگ کېریشی گه مانع بولیشلرینی ایتگندی.
میلر، اسراییل باش وزیری بنیامین نتانیاهو قۉللب-قوتله‌گن بن گویر نینگ طرحی خصوصیده ایتیشیچه، بوتوغریده حاضرگچه نهایی قرار آلینمه‌گن.
امریکالیک اوشبو رسمی گه کوره، کرانه باختری ده‌گی کېسکین‌لیک اسراییل خوفسیزلیگی منفعتی گه اېمس دیر.
شو بیلن بیرگه، اسراییل شبکه‌لری ۲۸ فبروری، چهارشنبه کیچه، بو مملکت نینگ اۉروش کابینه‌سی مسجدالاقصی گه عاید صلاحیت و اختیارلرنی ایتامار بن گویر دن آلگنینی ایتگنلر.
بوندن آلدین، اسراییل پارلمانی ده نتانیاهو دولتی نینگ سیاسی مخالفلر باشلیغی تبریک لاپید، کابینه رمضان آی ده قدس شهری و کرانه باختری ده وضعیت و اختیار نی بن گویر دن آلیب و اوشبو مملکت خوفسیزلیک نهادلری نینگ مصلحت‌لری گه عمل قیلیشینی ایتگن اېدی.
لاپید نینگ کوپه‌یتیریشیچه: «بونده‌ی بیر انسان بیلن رمضان آی نی کوتیب آلیش ممکن‌سیز دیر.»
اونینگ ایشانچی گه کوره، بن گویر اسراییل خوفسیزلیگنی تامینلمه‌ی آلمه‌یدی.
عین‌حالده، اوتگن ییل ۷ اکتوبر ده حماس نینگ اسراییل گه هجومیدن سۉنگ، بو مملکت اردوسی مسجدالاقصی ده نماز اوقووچیلر گه قتیق چېکلاولرنی یره‌تگن.
