امریکا چین هکری شرکتینی تحریم قیلدی
امریکا مالیه وزیرلیگی چین خوفسیزلیک وزیرلیگی نینگ معلومات اداره‌سی بیلن باغلیق «فن و تکنالوژی ووهان شیائورویشی» دیب ناملنگن چین بیر شرکتی، امریکا قۉشمه ایالتلری نینگ آست قورمه‌لری گه سایبری هجوم قیلیش طفیلی تحریم قیلگنیدن خبر بیرگن.
بو وزیرلیک ۲۵ مارچ، دوشنبه کیچه بیر بیانیه ترقه‌تیب یازیشیچه، چین دولتی گه یقین اوشبو شرکت نینگ ییتّی ییریک خادمی، امریکا بیر قطار رسمی‌لری و بیجینگ ده کمونیست حزبی نینگ مخالف‌لریدن بیرقطاری گه هجوم قیلیش گه عیبلنگنلر.
چین نینگ هکری اوشبو گروهی، حساس کمپیوتری شبکه‌لر گه قول تاپیشی ممکن.
بیانیه ده کېلیشیچه، مذکور شرکت نینگ خادم‌لری نیچه مراتبه سایبری هجوم قیلگنلر.
واشنگتن‌پوست آژانسی نینگ گزارشی اساسیده، بو شرکت نینگ ییریک خادم‌لری جمله دن ژائو گوانگ‌زونگ و نی گاوبین، امریکا قۉشمه ایالتلری نینگ مهم شرکت‌لری گه هجوم قیلیش عیبی بیلن تحریم بولگنلر.
معلومات‌لر اساسیده، تحریم بولگن برچه کیشی‌لر چین ده تېریکچیلیک قیلماقده.
بو هکری گروه، امریکا دولتی نینگ یوقاری مرتبه‌لی عملدارلری اېنیقسه آق‌سرای، عدلیه، مالیه، سوداگرلیک و تشقی ایشلر وزیرلیک‌لری نینگ خادم‌لری، کانکرس ده دموکرات و جمهوری‌خواه اعضالری و چین کالج دینگیزی مطالعه‌لر موسسه‌سی گه سایبری هجوم قیلیش گه عیبلنگنلر.
عین‌حالده، امریکا عدلیه وزیرلیگی سایبری هجوم‌لر آلدینی آلیش اوچون بو مملکت دولتی «فراملی» گه قرشی کوره‌ش مقصدیده بو قرار قبول قیلینگنینی بیلدیره‌دی.
امریکا باش قاره‌لاوچیلیک باشلیغی مریک گارلند نینگ بوتوغریده ایتیشیچه: «عدلیه وزیرلیگی امریکا خلقی گه خذمت قیله‌دیگن امریکالیک‌لر و بو مملکت حمایت قیله‌دیگن مخالف‌لرنی قورقیتیش اوچون چین دولتی نینگ بو سعی‌وحرکت‌لرینی قبول قیله آلمه‌یدی.»
واشنگتن ده چین ایلچی‌لیگی سۉزلاوچیسی لیو پنگیو امریکا نینگ بو قرارینی قاره له‌گن.
پنگیو نینگ کوپه‌یتیریشیچه: «امریکا قۉشمه ایالتلری ایشانچلی حجت‌سیز و اساس‌سیز نتیجه گه اېریشیب چین گه قرشی قرار قبول قیلگن.»
امریکا چین دولتی گه یقین شرکت‌لر نینگ سایبری هجوم‌لرینی ملی خوفسیزلیگی گه قرشی جدی تهدید بیله‌دی.
عین‌حالده بایدن دولتی سۉنگی کون‌لرده هکری گروه‌لر گه قرشی کوره‌ش اوچون کوپراق دقتینی قره‌تگن.
بو اقدام امریکا کېله‌جک سیلاوی گه بیر قطار مملکتلر جمله دن چین و روسیه نینگ اره‌لشه آلمسلیگی و هکری گروه‌لر گه باج تولَمسلیگی مقصدیده آلینگن.
