آزادلیک جبهه‌سی پروان ده طالبان بیر جنگری‌سی هلاک بولگنیدن خبر بیردی
افغانستان آزادلیک جبهه‌سی، پروان ده طالبان نینگ بیر پوسته‌سیده کوچلری نینگ هجومیده، طالبان بیر جنگری‌سی هلاک بولیب و باشقه ایکّی نفری یره‌لنگنینی ادعا قیلگن.
بو هجوم ۱ حوت سه‌شنبه کیچه پروان مرکزی حدودلری ده‌قاضی قیشلاغیده اۉیوشتیریلگن.
آزادلیک جبهه‌سی ترقه‌تگن بیانیه‌سیده «عما‌الدین» اسملی کیشی اۉلگنینی تصدیقله‌گن.
محل یشاوچیلری اوشبو منطقه ده توقنشوو یوزبیرگنینی تصدیق لسه‌لرده، لېکن تلفاتی حقیده هیچ نرسه دیمه‌گنلر.
سونگی کون‌لرده اوشبو جبهه پروان ده طالبان گه قرشی هجوم‌لرینی آشیرگن.
۲۲ دلو، یک‌شنبه کیچه افغانستان آزادلیک جبهه‌سی، چاریکار شهری حدودلریده کوچلری مذکور گروه نینگ امنیتی ایکّینچی حوزه‌سیده طالبان قرارگاه‌سی گه اۉیوشتیرگن هجوم‌لریده، طالبان نینگ تورت جنگری‌سی هلاک بولگنینی اعلام قیلگن اېدی.
آزادلیک جبهه‌سی نینگ ادعاسی: طالبان نینگ تورت اعضاسینی اۉلدیردیک
