بایدن قطر و مصر دن گروگه آلینگنلر قوییب یوباریلیشی اوچون حماس گه باسیم کېلتیریشلرینی اېسته‌دی
جوبایدن و اسراییل باش وزیری غزه احوالی گه دایر تلفونی سۉزلشوولریدن بیرکون اۉتگچ، امریکالیک بیر رسمی گه کوره، امریکا قۉشمه ایالتلری نینگ جمهور باشلیغی قطر و مصر رهبرلری گه مکتوب یوللب و اولر دن اسراییللیک گروگه آلینگنلر قوییب یوباریلیشی اوچون حماس گه باسیم کېلتیریشلرینی اېسته‌گن.
اسوشیتدپرس نینگ گزارشی اساسیده، بایدن دولتی نینگ اوشبو ییریک عملداری ۵ اپریل، جمعه کونی، امریکا قۉشمه ایالتلری نینگ جمهور باشلیغی امریکا مرکزی اطلاعات تشکیلاتی (سی‌آی‌ای) باشلیغی ویلیام برنز نی، گروگه آلینگنلر قوییب یوباریلیشی حقیده مذاکره قیلیش اوچون قاهره گه یوللـه‌گنینی اېتگن.
اوشبو گزارش اساسیده، آق‌سرای ملی خوفسیزلیک مصلحتچیسی جیک سالیوان، اوشبو هفته دوشنبه کونی اسراییللیک گروگه آلینگنلر نینگ بیرقطار عایله اعضالری بیلن اۉچره‌شووی کوتیله‌دی.
آق‌سرای رسمی‌لری نینگ ایتیشلریچه، اسراییللیک گروگه آلینگنلر و فلسطین‌لیک زندانی‌لر نینگ قویب یوباریش یالغیز یول اسراییل و حماس آره‌سیده‌گی اوروش گه چېک قوییش و غزه گه انسان پرورلیک یاردملرنی ېیتکزیب بیریش اوچون وقتینچه‌لیک آتیش کېسین برقرار اېتیلیشی لازم.
شو بیلن بیرگه، حماس نیچه هفته آلدین قاهره و دوحه ده اۉتکزیلگن مذاکره‌لرده که سی‌آی‌ای باشلیغی ویلیام برنز و موساد باشلیغی هم اشتراک اېتگن اېدیلر، اوروش گه چېک قویلیشی اوچون اېستکلری انابت گه آلینیشینی سۉره‌گن اېدی.
حماس دایمی آتیش کېسین برقرار اېتیلیشی و غزه ده اسراییل نینگ چیقیشینی اېسته‌یدی.
