ناراضی‌لیک حرکتلر ایتلافی: طالبان اۉزگرمه‌یدی
۸صبح، کابل: پاکستانده مقیم ناراضی‌لیک حرکتلر مستقل ایتلافی گه کوره، طالبان عیاللر نینگ تورلی حقوقلرینی ایاغ آستی قیلیش بیلن افغانستان و دنیا خلقی گه اۉزگرمسلیکلرینی اثباتله‌گنلر.
پاکستانده مقیم ناراضی‌لیک حرکتلر مستقل ایتلافی ۲۰ حمل، دوشنبه کونی بیر بیانیه ترقه‌تیب، افغان عیاللری «چېتلنتیریش، کم‌سیتیلیش و زوره‌وانلیک» بوله‌دیگن بیر مملکتده حیات کېچیریب کېلماقده‌لر.
اوشبو ایتلاف نینگ کوپه‌یتیریشیچه، خلق‌ارا مبارزه‌لری دوامیده افغانستان عیاللری ناراضی‌لیک حرکتلری، انسان حقوقی نهادلری، ملی و خلق‌ارا شخصیت‌لر نینگ اشتراکی بیلن «جنسیتی آپارتاید گه قرشی خلق‌ارا کمپاین» یولگه قویگن.
افغانستان عیاللری نینگ مبارزه‌لری «فرصت‌طلب، فایده‌لنووچی و معامله‌گر» کیشیلر نینگ قربانی بولمسلیگی کېره‌ک دېدی، ناراضی‌لیک حرکتلر ایتلافی.
باشقه تاماندن بیانیه ده کېلیشیچه: «بیز خلق‌ارا همجمعیتدن آچیق، شفاف و انیق اسلوب اساسیده جنسیتی آپارتاید گه قرشی خلق‌ارا کمپاین‌نی» قۉللب-قوتلشینی اېسته‌یدی.
طالبان افغانستانده اوچینچی ییل حاکمیت‌لریده عیاللرنی انسانی برچه حقوقلریدن محروم قیلگنلر.
شو بیلن بیرگه عیاللر سۉنگی ایکّی یریم ییل ایچیده، طالبان نینگ عیاللر گه یره‌تگن چېکلاولری و اۉز باشیمچه‌لیک طرزده توتقینگه آلیش‌لری گه قرشی هردایم سرک‌لر، یاپیق مکان‌لر و اجتماعی ترماق‌لرده ناراضی‌لیک بیلدیرگنلر.
