طالبان ادارهلریده فساد و پارهخورلیک؛ اهالی زیریککن
۸صبح، کابل: مملکت یشاوچیلریدن بیرقطاری کابل ده طالبان حاکمیتیده بیر قطار ادارهلرده فساد و پارهخورلیک دن خبر بیرهدیلر.
اولر ۱۲ ثور، چهارشنبه کونی ۸صبح کوندهلیگی بیلن اۉتکزگن صحبتلریده طالبان گروهی اعضالریدن بیرقطارینی فساد و پارهخورلیکّه عیبلهیدیلر.
اولر، طالبان وزارتخانهلریدن کوپراغی اینیقسه پاسپورت و احصائیه ادارهلریده «کمیشنکار و ساخته حجت توزووچیلر» بارلیگینی اېتهدیلر.
کابل یشاوچیلریدن نصرتالله گه کوره: «سابق حکومت دولت ادارهلریده فساد بار اېدی، طالبان حاکمیتیده بیرقطار ادارهلرده فساد بار. طالبان رسمیلری کمیشنکارلر آرقهلی پاره آلهدیلر.»
کابل شهری یشاوچیلریدن بیرقطاری، مدون قانون یوقلیگینی طالبان رژیمیدهگی اساسی معمالردن عنوان قیلهدیلر.
کابل یشاوچیلریدن باشقه بیری مصطفی گه کوره: «طالبان رژیمی قانونی اېمس و سابق حکومت قانونینی بیکار قیلگن. بو رژیمده پارهخورلیک، اندیوالبازلیک، عدالتسیزلیک، قومگرچلیک و حتا جنسی فساد بیداد قیلهدی.»
عینحالده کابلده طالبان امنیه قوماندانلیگی اوشبو شهر ده سۉنگی اوچ آی ایچیده ۱۰۴ کیشی کمیشنکارلیک عیبی بیلن قولگه آلینگنیدن خبر بیرگن.
شو بیلن بیرگه، مملکت یشاوچیلریدن بیرقطاری، طالبان هردایم سابق حکومت حربی کوچلری، سیاسی مخالفلری و حربیلرنی تورلی بهانهلر بیلن قولگه آلهدیلر.