افغانستانلیک مهاجرلرنی چیقریب یوباریش؛ اروپا اتفاقی یقین هفته‌لرده طالباندن میزبانلیک قیله‌دی
۸صبح، کابل: فرانسه اخبارات آژانسی خبر بېریشیچه، یقین هفته‌لرده طالبان‌نینگ بیر هیأت افغانستان مهاجرلرینی قَیتریش مسأله‌سی بۉییچه مذاکره‌لر اۉتکزیش اوچون بروکسلگه باریشی رېجه‌لشتیریلگن.
اوشبو یېتکرمه دوشنبه کونی، ۳۱- حمل، اۉز منبعلریگه ته‌یه‌نیب خبر بېریشیچه، طالبان عملدارلری نینگ بو سفری اروپا کمیسیونی و بیر نېچه اعضا دولتلر بیلن موافقلشتیریلگن حالده عملگه آشیریله‌دی.
خبرگه کۉره، بو سفر مذکور مسأله بۉییچه «تدقیقات» مذاکره‌لری اوچون اروپالیک عملدارلرنینگ افغانستانگه قیلگن ایکّی سفریدن کېین عملگه آشیریلماقده.
حساباتگه کۉره، طالبان هیأتی اوشبو اتفاققه قالیش حقوقیگه اېگه بۉلمه‌گن مهاجرلرنی قَیتریش بۉییچه تخنیکی جماعه بۉله‌دی.
خبرده ایتیلیشیچه: «اروپا عملدارلری پروازلر و کابل قۉنالغه‌سی نینگ سیغیمی حقیده معلومات تۉپلماقده همده قَیتریله‌یاتگن شخصلرنینگ تقدیری بۉییچه طالبان بیلن مذاکره آلیب بارماقده.»
حساباتگه کۉره، اروپا کمیسیونی هلی طالبان عملدارلریگه رسمی تکلیفنامه یوبارمه‌گن.
مهاجرلرنی چیقریب یوباریش نینگ آرتیشی اروپا اتفاقی دولتلری آره‌سیده کېنگ محاکمه قیلینه‌یاتگن مسأله‌گه ایلنگن، چونکه مهاجرت‌گه نسبتا جماعتچیلیک قره‌شلری نینگ اۉزگریشی اوشبو ۲۷ دولتدن عبارت بلوکده سیلاولرده اۉنگ قنات آقیملرنینگ کوچه‌ییشیگه آلیب کېلگن.
اروپا اتفاقی نینگ قریب ۲۰ دولتی افغانلرنی، اینیقسه جنایت صادر اېتگنلرنی چیقریب یوباریش یۉللرینی کۉریب چیقماقده.
آلمان ۲۰۲۴- ییلدن باشلب بو جریاننی باشله‌گن و قطر یاردمیده تشکیل اېتیلگن چارتر پروازلری آرقه‌لی ۱۰۰ دن آرتیق افغان مهاجرنی دېپورت قیلگن.
بیراق مهاجرلرنی چیقریب یوباریش حرکتلری تورلی خواطرلرنی کېلتیریب چیقرگن.
انسان حقوقلری گروهلریگه کۉره، افغانستان حاضر انسانپرورلیک انقراضی ایچیده بۉلیب، او قورغاقچیلیک و خارجی یاردم نینگ کېسکین کمه‌ییشی بیلن ینه‌ده آغیرلشگن.
اروپا اتفاقی هلی طالباننی رسماً تن آلمه‌گن.
