دیمیتری پسکوف: پوتین اېرته‌گه امریکا مخصوص اېلچیسی بیلن اوچره‌شه‌دی
کرملین مطبوعات کاتبی، دیمیتری پسکوف، روسیه جمهور رییسی، ولادیمیر پوتین، امریکا مخصوص اېلچیسی، استیو ویتکوف بیلن اېرته‌گه اوچره‌شوو اۉتکزیشینی معلوم قیلدی.
تاس نشری، ۱- دسامبر، دوشنبه کونی، خبر قیلیشیچه، کرملین مطبوعات کاتبی ایتگنیدېک، پوتین و ویتکوف اۉرته‌سیده‌گی اوچره‌شوو ایکینچی دسامبر کونی نینگ توشدن کېین قسمی دوامیده بۉلیب اۉته‌دی.
پسکوف قۉشیمچه قیلیشچه: «پوتین بوگون بیر نېچه یاپیق اېشیکلر آرتیده‌گی ییغیلیشلرده اشتراک اېته‌دی، اېرته‌گه روسیه و قۉشمه ایالتلری اۉرته‌سیده‌گی ملاقاتلر اوچون تیارگرلیک کۉره‌دی.»
بوندن آلدین، وال استریت ژورنال، ویتکاف و دونالد ترمپ نینگ کویاوی، جرد کوشنر، اوکراین‌ده‌گی انقراض بۉییچه مذاکره‌لرنی دوام اېتتیریش مقصدیده مسکوگه کېلیشی کوتیلماقده دېب، خبر بېرگن اېدی.
اوچره‌شوو اوکراین و روسیه اۉرته‌سیده‌گی اوروش دوام اېته‌یاتگن بیر پیتده اۉتکزیلماقده و امریکا مذاکره‌لری حاضرگه قدر یکونی نتیجه‌گه اېریشمه‌گن.
شو بیلن بیرگه، امریکا جمهور رییسی، دونالد ترمپ روسیه‌گه اوکراین انقراضینی حل قیلیش بۉییچه هېچ قنده‌ی مدت بېلگیلش نیتیده اېمسلیگینی و یگانه میزان اوروش نینگ توگه‌شی اېکنلیگینی معلوم قیلگن.
