دونالد ترمپ امریکا سیلاوی غالبی بۉلدی
جمهوریخواه حزبی نامزدی، دونالد ترمپ،امریکا قۉشمه ایالتلری جمهورلیک ریاستی سیلاوی غالبی بۉلدی.
اسوشیتدپرس۶- نومبر، چهارشنبه کونی، بېرگن گزارشیگه کۉره ترمپ ۲۷۷ الکترال کالج آواز آلیش بیلن دموکرات حزبی نامزدی، کامالا هریس برابریده غلبه قازاندی.
هریس بو سیلاوده ۲۲۴ الکترال کالج آواز قۉلگه کیریتدی.
ینه بیر تاماندن، دونالد ترمپ فلوریدا ایالتیده چیقیش قیلیب هوادارلریگه چېگره لرنی یاپیشینی ایتدی.
او ینه بیر بار امریکا قۉشمه ایالتلری ملی منفعلتلری وبو مملکت‌نینگ ایچکی مساله‌لری‌گه تأکید قیلدی.
انه‌شو حالده، بریتانیا باش وزیری کی‌یر استار مر، ایکس صحیفه‌سیده بیر پیام ترقه‌تیب بونده‌ی یازگن: « بیز کېله‌سی ییللرده سیز( ترمپ) گه همکارلیک قیلیشگه اشتیاقلی‌‌میز.»
اوکراین جمهور رییسی، ولادیمیر زلنسکی هم شوکبی دونالدترمپ‌نینگ جمهور ریسیلیککه غلبه قازانگنینی قوتله‌گن.
انه شو حالده، آسترالیا باش وزیری، آنتونی آلبانیز، دونالد ترمپ غلبه‌قازانگنینی تبریکلب و واشنگتن و سید‌نی‌نی بویوک اۉرتاقلر و واقعی متحدلر دېیه اۉرغوله‌گن.
مذکور باش وزیر، آسترالیا و امریکا خلقی بیرگه‌لیکده همکارلیگی کوچلی قالیشینی امید قیله‌من دېگن.
فرانسه جمهور رییسی، امانویل مکرون ایکس صحیفه‌سیده بونده‌ی یازگن: « اۉتگن تورت ییل جریانیده همکارلیک قیلگنیمیزدېک ینه هم بیرگه لیکده ایشلشگه تیارمیز. »
ینه بیر تاماندن، آلمان باش وزیری ، اولاف شولتس، امریکا جمهورلیک ریاستی سیلاویده ترمپ‌نینگ غلبه‌سینی تبریکله‌گن.
اونینگ آچیقلشیچه « آسوده‌لیک واېرکینلیکنی رواجلنتیریش اوچون» آلمان وامریکا اطلس اقیانوسی‌نینگ ایکی تامانیده مؤفقیت بیلن اوزاق مدتلی همکارلیک قیله‌دی.
دېمک امریکا جمهوری خواه‌لری ۵۱ بیر کرسینی کسب اېتیشلری بیلن بو مملکت سنا مجلسی‌نینگ اکثریتینی قۉلگه کېلتیرگنلر.
