ایلان ماسک: کېله‌جکده ایش اختیاری بۉله‌دی و رباتلر انسان ایشینی المشتیره‌دی
تسلا و اسپیس‌ایکس شرکت‌لری نینگ باش اجراچی مدیری، ایلان ماسک، کېله‌جکده کۉپلب ایش فعالیتلری اۉز-اۉزیدن ایشله‌یدیگن و انسان‌لر ایش بیلن شغللنیشی ممکن بۉلیشینی اما، ایش مجبوری بۉلمسلیگینی بشارت قیلگن.
ماسک چهارشنبه کونی، ۱۹ نوامبر، امریکا- سعودیه سرمایه‌کیریتیش ییغینیده، کېله‌جکده ایش نینگ کۉپراق اختیاری خصوصیتگه اېگه بۉلیشینی و آدملر اختیاری فعالیتی کبی، اۉز خواهشیگه کۉره ایش بیلن شغللنیشی ممکنلیگینی تأکیدله‌گن.
او قۉشیمچه قیلیشچه: انسان شکلیده‌گی رباتلر و ایلغار صنعی عقل نینگ اویغونلیگی انسان محنتیگه بۉلگن احتیاجنی کوپ درجه‌گه توشیره‌دی و بوگونگی ایش ا‌ۉرینلری نینگ کته قسمی تۉلیق اۉز-اۉزیدن ایشله‌یدی.
ماسک شونینگدېک ایتیشچه: ماشین و رباتلر آرقه‌لی ایشلب چیقریش آشگنی سری، پول نینگ حاضرگی شکلده‌گی اهمیتی کمه‌یه‌دی و ایریم ارزلر دنیا اقتصادی‌ده‌گی موجود رۉلینی یۉقاته‌دی.
ییغلیش دایره‌سیده ماسک، سعودیه انویدیا و هومین شرکتی اۉرته‌سیده صنعی عقل اساسی توزیلمسینی کېنگه‌یتیریش بۉییچه ینگی همکارلیکدن خبر بېرگن.
