نپالده سوو تاشقینلری؛ ۲۲ کیشی جان بېریب یوزلب کیشی بې‌درَک یۉقالگن
نپالده کوچلی سوو تاشقینلری عاقبتیده کمیده ۲۲ کیشی جان بېریب، یوزلب کیشی اېسه بې‌درَک یۉقالگن.
الجزیره چهارشنبه کونی، ۲۶ اگست، خبر بېریشیچه، اوشبو سوو تاشقینلری عاقبتیده ۳۸۴ نفر سیاح بې‌درَک یۉقالگن بۉلیب، اولر‌نینگ ۲۹۱ نفری بریتانیا، امریکا، هندوستان و مالزیا کبی دولتلر وطنداشلری دیر.
حساباتگه کۉره، سوو تاشقینی قیشلاقلرنی آقیزیب کېتگن همده تاغ‌گه یقین حدودلرده‌گی یۉللر، کۉپریکلر و برق انرژیسی ایشلب چیقریش لایحه‌لریگه ضرر یېتکزگن.
رسمیلر‌نینگ اَیتیشیچه، تاغلی راسووا حدودیده‌گی سیپرو بَسی و تیموره ضرر کۉرگن جایلرده سوو سطحی شو قدَر بلند بۉلگن که تیک اوچرلر بو حدودلرگه قۉنه آلمه‌گن.
راسووا حدودی باشقیرووچیسی نارندرا پریار شونده‌ی دېدی: «انسانی تلفاتلر یاکه کتّه مالیوی ضرر بۉلیشی ممکن، اما حاضرچه انیق بیر نرسه اَیته آلمیمن.»
