اوچا: نورستانده ۱۹۱ عایله انسانپرورلیک یاردم آلدی
۸صبح، نورستان: بیرلشگن ملتلر تشکیلاتی‌نینگ انسانپرورلیک یاردملرنی موافقلشتیریش باشقرمه‌سی (اوچا) نورستان ولایتیده ۱۹۱ عایله انسانپرورلیک یاردمدن فایده‌لنگنینی معلوم قیلدی.
اوچا یک‌شنبه کونی، ۱۸ اسد، نورستان‌نینگ برگی‌متال اولسواللیگیده، یقینده یوز بېرگن سوو تاشقینلریدن سۉنگ، ضرر کۉرگن عایله‌لرگه چادر، کۉرپه، قیشکی جهازلر و ساغلیق واسطه‌لری ترقه‌تیلگنینی اَیتدی.
اوشبو تشکیلات اۉز وقتیده کۉرسه‌تیلگن یاردملر انسانپرورلیک همکارلر همده دونرلر‌نینگ یاردمیده ضرر کۉرگن عایله‌لرگه اۉزلری‌نینگ شاشیلینچ و اساسی احتیاجلرینی قاندیریشگه یاردم بېره‌یاتگنینی قۉشیمچه قیلدی.
اوشبو یاردملر نورستانده سۉنگگی هفته‌لرده کوچلی سوو تاشقینلری کوزه‌تیلگن و بیر قطار عایله‌لر اوشبو طبیعی آفتلر عاقبتیده ضرر کۉرگن بیر پیتده ترقه‌تیلگن.
سوو تاشقینلری ولایت‌نینگ اَیریم حدودلریده مالیوی ضرر یېتکزیش بیلن بیرگه، اَیریم عایله‌لر‌نینگ باش‌پناه و اساسی یشه‌ش شرایطلریدن فایده‌لنیش امکانیتینی هم قیینلشتیرگن.
