بیرلشگن ملتلر تشکیلاتی: نورستانده‌گی سوو تاشقینیدن سۉنگ آلتی مینگدن آرتیق کیشی ساغلیقنی سقلش بۉییچه تعلیم آلدی
۸صبح، کابل: جهان ساغلیقنی سقلش تشکیلاتی (WHO) نورستان مرکزی پارون‌ده یوز بېرگن سوو تاشقینلریدن سۉنگ ۶ مینگ ۸۱۴ کیشی سوو آرقه‌لی یوقه‌دیگن کسللیکلر‌نینگ آلدینی آلیش یۉللری و ساغلیق قاعده‌لریگه رعایه قیلیش بۉییچه معلومات آلگنینی معلوم قیلدی.
اوشبو تشکیلات پنج‌شنبه کونی، ۲۹ اسد، ایکس صحیفه‌سیده یازیشیچه، بو شخصلر اخبارات و ساغلیقنی سقلش بۉییچه خبردارلیک دستورلری آرقه‌لی ضرور معلوماتلرگه اېگه بۉلگن.
جهان ساغلیقنی سقلش تشکیلاتی اوشبو دستورلرده تازه سوودن فایده‌لنیش، ساغلیق توصیه‌لریگه رعایه قیلیش، اطراف-محیط تازه‌لیگینی سقلش و سوو آرقه‌لی یوقه‌دیگن کسللیکلر‌نینگ آلدینی آلایش حقیده معلومات بېریلگنینی اَیتدی.
تشکیلات‌نینگ اَیتیشیچه، ۳۲ ته خبردارلیک مجلسی اۉتکزیلگن و ۴ مینگ ۵۰۰ دانه اۉقوو همده اخبارات ماتریالی هم ترقه‌تیلگن.
جهان ساغلیقنی سقلش تشکیلاتی اوشبو فعالیتلر اروپا اتفاقی‌نینگ انسانپرورلیک یاردم اداره‌سی همکارلیگیده عملگه آشیریلگنینی قۉشیمچه قیلدی.
بیرلشگن ملتلر تشکیلاتی اوشبو دستورلردن مقصد افغانستان خلقیگه ساغلیغینی سقلش و یوقوملی کسللیکلر ترقه‌لیشی خوفینی کمه‌یتیریشده یاردم بېریش اېکنینی اَیتماقده.
