مجبوری چیقریب یوباریش؛ ریچارد بنت: قیتریلگنلر زۉرآورلیک، حبسگه آلیش و قییناققه سالینیش خوفی آستیده
۸صبح، کابل: بیرلشگن ملتلر تشکیلاتی‌نینگ افغانستان بۉییچه مخصوص انسان حقوقلری حساباتچیسی، منطقه دولتلری و اروپا اتفاقی تامانیدن افغانستان قاچقینلری‌نینگ مجبوری چیقریب یوباریلیشیدن خواطر بیلدیردی.
ریچارد بنت، جمعه، کونی ۱ جوزا، ایکس صحیفه‌سیده یازیشیچه، افغانستان خوفسیز دولت اېمس.
بنت قۉشیمچه قیلیشیچه، قۉشنی دولتلر همده اوزاقراق حدودلردن، جمله‌دن اروپا اتفاقیدن افغانلرنینگ چیقریب یوباریلیشی تاباره آرتیب باره‌یاتگن جدّی خواطرگه سبب بۉلماقده.
او قَیتریب یوباریلگنلر زۉرآورلیک، حبسگه آلیش، قییناققه سالیش، آچلیک و بوندن هم آغیرراق حالتلرگه دوچ کېلیشی ممکنلیگی حقیده آگاهلنتیرگن.
بیرلشگن ملتلر تشکیلاتی‌نینگ افغانستان بۉییچه مخصوص حساباتچیسی‌گه کۉره، خلق‌ارا انسان حقوقلری مجبوریتلریگه جدّی رعایه اېتیلیشی لازم.
شو بیلن بیرگه، هر کونی مینگلب افغانستان مهاجرلری ایران و پاکستاندن مجبوری طرزده چیقریب یوباریلماقده.
سۉنگگی کونلرده اروپا اتفاقی افغانستان قاچقینلرینی چیقریش مسأله‌سیده طالبان بیلن مذاکره قیلیشگه اورینه‌یاتگنی حقیده خبرلر هم ترقه‌لگن.
