اسراییل نینگ غزه گه هجومی عاقبتیده خارجی تورت یاردم بیرووچی هلاک بولگن
غزه ساغلیق‌نی سقلش رسمی‌لری اسراییل نینگ هوا هجوملریده خلق‌ارا یاردم بیرووچی تورت کیشی فلسطین‌لیک هیداوچیلری بیلن هلاک بولگنیدن خبر بیرگنلر.
اسوشیتدپرس ۱ اپریل، دوشنبه کونی بو یاردم بیرووچیلر «خلق‌ارا مرکزی آشخانه» خیریه تشکیلاتی نینگ خادملری اېکنینی معلوم قیلگن.
اولر غزه شمالی گه اهالی نینگ احتیاجی بولگن ییگولیک آوقت‌لرنی یېتکزیب بیریشدن کیېن، اسراییل هوا کوچلری تامانیدن نشانگه آلینگن.
غزه مرکزی ده دیرالبلاح شهری ده القصی شهیدلری کسلخانه‌سیده اوشبو بیش کیشی جسدی نینگ صورت‌لری ترقه‌لگن.
اۉلگنلردن اوچ نفری بریتانیا، استرالیا و پولندلیک دیر و تورتینچی کیشی نینگ کیملیگی همان نامعلوم.
اوشبو یاردملرنی یوکله‌گن کېمه قبرس دن غزه گه یېتیب بارگندی و بو یاردم بیرووچیلر کمکلرنی انتقال بیریشدن سۉنگ نشانگه آلینگنلر.
یاردم بیرووچی کېمه‌لر اۉتگن کون غزه بندری گه کېرگن و قریب ۴۰۰ تُن ییگولیک ماده بو منطقه گه یېتکزگنلر.
امریکا قۉشمه ایالتلری غزه شمالی ده که یوزلب فلسطین‌لیک انسانی فاجعه بیلن دوچ دیر، ضروری یاردملرنی یېتکزیب بیریش اوچون دینگیز یولینی ینگی یول اوله‌راق تانیشتیرگن.
غزه اۉروشی باشلنیشیدن حاضرگچه اوشبو منطقه ده خلق‌ارا یاردم بیرووچی تشکیلات‌لر نینگ بیر قنچه خادملری جدی توسقینلیک بیلن یوزمه یوز بولگنلر.
