غزه اوروشی قربانلری سانی ۷۳ مینگ نفردن آشدی
غزه ساغلیقنی سقلش وزیرلیگی معلوم قیلیشیچه، اوروش باشلنگنیدن بویان قربانلر سانی ۷۳ مینگ ۳۴۱ نفرگه یېتگن.
مذکور وزیرلیک پنج‌شنبه، ۳۰-جولای کونی اعلان قیلگن حساباتیده سۉنگگی ۲۴ ساعت ایچیده اسراییل‌نینگ غزه‌گه اویوشتیرگن هجوملری عاقبتیده کمیده تۉرت نفر فلسطینلیک جان بېرگنینی بیلدیرگن.
حساباتگه کۉره، غزه بۉیلب شفاخانه‌لر سۉنگگی بیر کېچه-کوندوز دوامیده آلتی نفر جان بېرگن شخص‌نینگ جسدینی قبول قیلگن.
غزه ساغلیقنی سقلش وزیرلیگی، شونینگدېک، ۱۱-اکتوبر کونی باشلنگن «اۉت آچیشنی تۉخته‌تیش»دن بویان کمیده ۱ مینگ ۲۱۴ کیشی جان بېرگنی و ینه ۳ مینگ ۹۷۷ کیشی یره‌لنگنینی معلوم قیلگن.
وزیرلیک‌نینگ قۉشیمچه قیلیشیچه، ۲۰۲۳-ییل ۷-اکتوبردن بویان اسراییل‌نینگ غزه‌گه اویوشتیرگن هجوملری عاقبتیده کمیده ۷۳ مینگ ۳۴۱ کیشی جان بېرگن، ۱۷۴ مینگ ۸۶ کیشی اېسه یره‌لنگن.
