آلمان مدافعه وزیری: امریکا کوچلری چیقیب کېتیشی آلدیندن کوتیلگن اېدی
آلمان مدافعه وزیری بوریس پیستوریوس، امریکا قۉشینلری نینگ اروپا جمله‌دن آلمان‌دن چیقیب کېتیشی آلدیندن کوتیلگنینی اَیتدی.
الجزیره شنبه کون، ۲ می، وزیریدن سۉزلریگه ته‌ینیب، بو مسأله‌نی یاریتدی.
امریکا قوشمه ایالتلری اوروش وزیری پیت هگست، آلمان‌دن بېش مینگ امریکالیک عسکرنی آلیب چیقیش حقیده بویروق بېرگن.
بو قرار امریکا جمهور باشلیغی دونالد ترمپ و اروپا مملکتلری اۉرته‌سیده ایران اوروشی یوزه‌سیدن کېسکینلیکلر کوچه‌یگن بیر پیتده قبول قیلیندی.
آلمان باش وزیری فریدریش مرتس، ایران اوشبو ماجرانی توگه‌تیش بۉییچه مذاکره‌لر جریانیده امریکانی تحقیرله‌یاتگنینی ایتدی.
آلمان مدافعه وزیری اروپالیکلر اۉز خوفسیزلیگی اوچون کۉپراق مسوولیتنی ذمّه‌سیگه آلیشلری کېره‌کلیگینی تأکیدله‌دی.
