خلق‌ارا آزیق-آوقت دستوری: یاردم‌لر کمه‌یشی بیلن افغانستانده کمبغللر سانی کوپه‌یشی ممکن
خلق‌ارا آزیق-آوقت دستوری مملکتده عیاللر و باله‌لر آره‌سیده توییب آوقت‌لنمسلیکّه چلینگنلر سانی کوپه‌یگنیدن خبر بیرگن.
اوشبو نهاد بوگون ۱۳ حوت، یک‌شنبه کونی ایکس صحیفه‌سیده، افغانستان بویلب قریب تورت میلیون باله و آنه توییب آوقت‌لنمسلیکّه چلینگن دیب یازگن.
خلق‌ارا آزیق-آوقت دستوری یاردم‌لر کمه‌یشی بیلن مملکتده قشاق‌لر احوالی «یامانلشی»دن آگاه‌لنتیرگن.
ایتیش کېره‌ک که افغانستانده طالبان حاکمیتی و اوشبو مملکت گه مالی یاردم‌لر کمه‌یشی بیلن کمبغللر سانی کوپه‌یگن.
بیرلشگن ملتلر تشکیلاتی نینگ سۉنگی معلوماتی اساسیده، حاضرگی کونده مملکت نینگ اوچ دن بیر قسمی توییب آوقت‌لنمسلیک قیینچیلیگی بیلن دوچ دیر.
بیرلشگن ملتلر تشکیلاتی باش کاتبی آنتونیو گوترش گه کوره، بو تشکیلات افغانستانده انسانی انقراض حلی اوچون نیازی بولگن بودجه‌سی نینگ اوچ فایزینی قولگه کېریتگن.
گوترش ۱ حوت، سه‌شنبه کونی ایکس صحیفه‌سیده میلادی اوشبو ییل ده افغانستان نینگ قریب یریم جمعیتی تېز یاردم گه محتاج دیب یازگندی.
