گوترش: انسانپرورلیک فعالیتلر هر قچانگیدن هم خوفلی بۉلیب قالدی
بیرلشگن ملتلر تشکیلاتی باش کاتبی آنتونیو گوترش، خلقارا انسانپرورلیک کونی مناسبتی بیلن انسانپرورلیک فعالیتلر هر قچانگیدن هم خوفلی بۉلیب قالگنیدن آگاهلنتیردی.
گوترش چهارشنبه کونی، ۱۹-اگوست، سۉنگگی اوچ ییل دوامیده بوتون دنیا بۉیلب ۱ مینگدن آرتیق انسانپرورلیک یاردم خادیمی جان بېرگنینی اَیتدی.
او قۉشیمچه قیلدی: «انسانپرورلیک یاردم خادملری محتاجلرنی قۉللب-قوّتلهیدی و بیز اولرنی قۉللب-قوّتلشیمیز کېرهک.»
خلقارا انسانپرورلیک کونی هر ییلی ۱۹-اگوست، ۲۸-اسد کونیگه تۉغری کېلهدیگن سنهده نشانلنهدی.
بو کون بغداددهگی بیرلشگن ملتلر تشکیلاتی ادارهسیده صادر بۉلگن پارتلش عاقبتیده جان بېرگن انسانپرورلیک یاردملر خادملری خاطرهسیگه بغیشلنگن.
اوشبو واقعهده تشکیلاتنینگ ۲۲ نفر خادیمی جان بېرگن.
