گوتریش: غزده‌ده حربی عملیات قیته باشلنگنیدن اچینه‌من
اسراییل اردوسی حماس آرقلی آتیش کېسین بوزیلگندن کېین غزه‌ده حماس‌گه قرشی اوروش قیته باشلنگنینی اعلان قیلیشی بیلن، بو قرار عکس‌العمللرگه رۉپه رو بۉلدی.
بیرلشگن ملتلر تشکیلاتی باش کاتبی انتونیو گوتریریش ۱- دسامبر جمعه کونی ایکس اجماعی ترماغیده یازگن پستیده، غزه‌ده اوروش قیته باشلنگنینی قاره‌له‌دی.
اونینگ یازیشیچه: «غزه‌ده حربی عملیات قیته باشلنگنیدن جوده اچینه‌من.»
شونینگدېک او، اوروش توخته‌تیلیشینی تاکیدلب ایتیشیچه، وقتینچه‌لیک آتیش کېسین قیته جاری اېتیلیشیگه امیدار اېکنینی تیلگه آلدی.
بیرلشگن ملتلر تشکیلاتی باش کاتبی: «خصومتلرگه قیتیش، حقیقتن انسانی بیر آتیش کېسین نینگ قنچه‌لیک مهملیگینی کۉرسته‌دی.»دېدی.
اسراییل اردوسی بوگون (۱- دسامبر جمعه کونی) توشدن آلدین غزه‌ده اوروش قیته باشلنگن و هوا کوچلری غزه‌گه قرشی هجوم باشله‌گن دېب اعلام قیلدی.
اسراییل اردوسی نینگ ایتیشیچه، آتیش کېسین‌گه موافق حماس گروگه آلینگنلرنی آزاد قیلمه‌گن و بو مماکت توپراغیگه موشک آتیش بیلن بشر دوستانه اوروش تۉخته‌تیلیشینی بوزگن.
اسراییل باش وزیری بنیامین نتانیاهو اۉزی نینگ بیانیه‌سیده، اۉزی نینگ حربی مقصدی جمله‌دن حماسنی یۉق اېتیش و گروگه آلینگنلر بوتکول آزاد بۉلیشی حقیده تاکیدله‌گن.
باشقه بیر تاماندن، حماس اسراییل هوا کوچلری آرقلی غزه شهری نینگ ایریم بۉلیملربده هجوم اویوشتیریلگنی ونتیجه‌ده تینچ اهالیگه تلفات یېتگن دېگن.
عین حالده، وال استریت ژورنال اۉزی نینگ منبعلریگه تیه‌نیب یازگن گزارشیده، غزه‌ده‌گی اوروش تامانلری سکّیزینچی کون آتیش کېسین اوستیده کېلیشگنلر دېگن.
