گوترش: مادورو قۉل‌گه آلینیشی و امریکا نینگ ونزویلاده‌گی حربی عملیاتی خواطر اویغاتگن
بیرلشگن ملتلر تشکیلاتی باش کاتبی، آنتونیو گوترش، ونزویلاده‌گی بحران نینگ کوچه‌ییشی و نیکولاس مادورو نینگ قۉل‌گه آلینیشی بیلن یکونلنگن امریکا نینگ حربی عملیاتی‌دن چوقور خواطر بیلدیردی.
تاس نشری، ۳ -جنوری، شنبه کونی، خبر بېریشیچه، بو سۉزلرنی بیرلشگن ملتلر تشکیلاتی باش کاتبی نینگ سۉزچیسی، استفان دوجاریک معلوم قیلگن.
دوجاریک نینگ معلوماتلریگه کۉره، سۉنگگی واقعه‌لر «خوفلی تاریخی نمونه» یره‌تگن و گوترش بیر نېچه بار برچه تامانلر نینگ خلق‌ارا حقوق، جمله‌دن بیرلشگن ملتلر تشکیلاتی منشوری‌گه تۉلیق رعایه قیلیش ضرورلیگینی تأکیدلگن.
او شونینگدېک قۉشیمچه قیلیشیچه: باش کاتب خلق‌ارا قانونلر اوشبو جریانلرده بجریلمگنیدن «چوقور خواطرده».
آنتونیو گوترش برچه ونزویلاده‌گی تامانلرنی انسان حقلری و قانون اوستوارلیگینی سقله‌گن حالده، بحراننی حل اېتیش اوچون کېنگ قمراولی مذاکره‌لرگه کیریشگه چقیرگن.
