دهشت نمایشی؛ کېملر قربان بوله‌دی؟
طالبان اوشبو کونلر ده اۉزلری «اسلام قانونی» دیب حسابله‌گن نرسه‌نی خلققه نسبتن اوّلگیدن کوره قتیق‌راق قوللـه‌ماقده. ینگی‌لیکده غزنی ده ایکّی کیشی نینگ عام حضوری ده دار گه آسیلیشی دنیا بویلب مناسبت‌لر گه دوچ بولگن موردلردن دیر. طالبان اۉتمیش ده بو کبی ایشلرنی قیلگن شونی اوچون غزنی ده بولگن ایش ینگی‌لیک اېمس. طالبان دوحه ایکّینچی ییغیلیشی که اولر نینگ حضورسیزلیگی بیلن بولیب اۉتدی دهشت نمایشینی یولگه قویگن بولیش‌لری ممکن. دنیا همجمعیت هر قچان طالبان گه باسیم کېلتیرگن بولسه اولر اهالیدن انتقام آلگنلر. طالبان غزنی ده دهشت نمایشینی قوییش بیلن ېنه بیر مراتبه بوتون دنیا بیر بولیب اولر دن اهلی بولیشنی سوره‌سه ده، اوجرلیک دن قول تارتمه‌ی و عام خلق نینگ متلی گه کوره، تاووغی نینگ بیر ایاغی بار‌لیگینی اثباتله‌دیلر.
طالبان حاکمیتیده افغانستانده دموکراتیک نی کۉزه‌تیش اوچون اویغاق مدنی جماعه‌چیلیک و اېرکین یېتکرمه دن هیچ خبر یوق فساد، زوره‌وانلیک و انسان حقلرینی کم‌سیتیش یوقاری درجه ده. طالبان قدرت نی آلگنلریدن بېری یشاوچیلر گه نیمه‌لرنی قبول قیلدیریب و اولرنی نیمه‌لردن منع قیلیش اختیارینی اۉزلری گه بیرگنلر. یعنی طالبان گروهی افغانستانده اهالی حقوقینی تعیین قیلووچی یگانه کوچ دیر. بو ییرده یشاوچیلر نینگ حقوق‌لرینی بیلگیلش حقی یوق و یالغیز طالبان بو حق گه اېگه. جمعیت نینگ بیر بولیمی بو حق اوچون اعتراض قیلیب و اونی قبول قیلمه‌گن حالده، طالبان تامانیدن قییناق‌لنه‌دی. طالبان نینگ قییناق‌لیک سیاستی اوچون هېچ کیم اعتراض قیله آلمه‌یدی.
دایمی شکلده قانون توخته‌تیلگن بوگونگی افغانستانده یالغیز طالبان رژیمی ناقانونی نظم‌نی سقلش گه قادر. طالبان نینگ شفقت‌سیز سیاستی باعث بو قانون دوام قیلماقده بولمسه امنیت‌سیزلیک و حاضرگی خوفلی شرایط گه قره‌گنده قولی‌لیک بیلن قولشی ممکن. هېچ کیم طالبان نینگ رژیمی گه قرشی اعتراض قیلمسلیگی اوچون اولر بدوی نظم و طالبانی قُوللیک دهشتلی نمایش‌لری گه دوام بیرماقده. بو هر بیر ترورچی گروه نینگ خاص خصوصیت‌لریدن دیر.
تروریسم نینگ اصلی عنصری قورقیش و شفقت‌سیزلیک تولید قیلیش دیر. بو جریان ده برچه کیشی‌لر نینگ سهمی برابر می؟ انیق که یوق. ترور ده کوپراق عادی اهالی قربان بوله‌دی؛ چونکه ترورچی گروه‌لر نینگ هجومی گه قرشی آز دفاعی امکانیت و توان گه اېگه شونی اوچون کوپراق زیان کوره‌دیلر. طالبان تامانیدن صحرایی محکمه بوله‌دیگنلر برچه‌سی عادی اهالی دیر. طالبان نینگ مسخره‌ای بو عدالتی طبقاتی عدالت دن تشقری اېمس.
طالبان رژیمی باشقه رژیم‌لر کبی فساد بیلن چلینگن. فساد حتا طالبان نینگ تعلیمی محیط‌لری‌ده سېزیله‌دی، کوپ سانده باله‌لر هوس‌باز و شهوتلی ملالر نینگ جنسی قوللنیش قربانی بوله‌دیلر. بیراق طالبان مفکوره‌سی شونچه‌لیک ایکّی‌یوزلمه‌چی که مدرسه ترتیبینی یامان حقیقت‌لری بیلن انکار اېته‌دی. طالبان حکومت‌لری و توزوم‌لریده‌گی فساد نی یاشیریش اوچون اخلاقی فساد گه چلینگنلر و قانونی تورموش قورمه‌گنلر گه قتیق جزا تعیین قیلیب و صحرایی محکمه‌لرده شفقت‌سیز نمایش‌لرینی جامعه ده کورسته‌دیلر. بو نمایش‌لر یالغیز اسلام قدریت‌لرینی تطبیق قیلیش مدعی‌لری نینگ بدوی و قبیله‌ای اسلوب‌لری اوچون جیرکینچ اېمس؛ بلکه طالبان نینگ کم‌سیتیش، عدالت‌سیزلیک و بیر تامانلمه اقدام قیلیشی دیر. طالبان مالی یا که اخلاقی فساد گه عیبلنگن اعضالرینی یالغیز وظیفه‌دن بیکار قیلیش گه تینه‌دی. اونینگ قولگه آلیش و قییناق‌لش و دُره اوروش دن هیچ خبر یوق.
طالبان نینگ بدوی فکری بوتون اهالی طالبان و غیر طالبانی گه بولینگن. طالبان کتگوریسی گه شامل کیشی‌لر اولر نینگ کتگوریسی گه شامل بولمه‌گنلردن هر ساحه‌ده اوستون دیر. بیرینچی کتگوری طالبانی حقوق و عدالت گه اېگه؛ بیراق ایکّینچی کتگوری نینگ عکسینچه هیچ حق و امتیازی یوق شونی اوچون طالبان نینگ هر اقدام و بویروغی گه گپیرمس دن عمل قیلیشی کېره‌ک. اېنگ کیچیک خطا قیلگن حالده گوشت و تېری بیلن اولر نینگ قییناق‌لرینی حس قیلیش ممکن. بیرینچی کتگوری حتا بویوک جنایت قیلگن حالده هم امیرالمومنین نینگ لطف و مرحمتی گه قرار تاپیب و عفو بوله‌دی؛ بیراق ایکّینچی کتگوری ملا هبت‌الله نینگ لطف و مرحمتی گه شامل اېمس و حقارت و قییناق‌لنیشی کېره‌ک.
طالبان حاکمیتیده افغانستانده سیاست‌نی قومی قیلیش حتا بو گروه نینگ غیرپشتون رسمی‌لری نینگ ناراضی‌لیگی بیلن دوچ بولگن. طالبان نینگ تاجیک اۉزبېک ییتکچی‌لری نیچه مرته کابل ده ایش اوستیده‌گی رژیم ده پشتون‌محورلیک فاجعه عاقبتیدن آگاه‌لنتیرگنلر. شو بیلن بیرگه طالبان حکومت‌لری همه‌شمول و عدالت کم‌سیتیلمسدن برچه اۉستیگه تطبیق بولیشنی ادعا قیلماقده‌لر. طالبان و هم‌فکرلری نینگ ایشانچی گه کوره، افغانستانده اسلامی و ایمانی وظیفه‌لرینی بجرماقده‌لر. طالبان و باشقه اسلامی تندرو گروه‌لر گه کوره، افغانستانده اسلام رواجلنگنیدن سنه‌لرده اوتگن بولسه ده، بو مملکت حاضرگچه واقعی شکلده اسلامی بولمه‌ی و یشاوچیلری تیریک اېکن محمد غرا شریعت رواجی» عذابینی چېکیشلری لازم. افغانستان خلقی نینگ «اسلام قدریت‌لری» نهادینه بولیشی اوچون هر کونی تاوان تولشی ییترلی اېمس و بوندن آرتیق حصه قوشیش‌لری کېره‌ک.
