اروپاده کوچلی قار یاغیشی و موزلش یوزه‌سیدن یوزلب پرواز بېکار قیلیندی
شمال‌غربی اروپاده کوچلی قار یاغیشی و موزلش مینگلب یۉلاوچیلر نینگ حرکتینی تۉخته‌تیب قۉیگن و بو حدودده‌گی، خصوصاً اآمستردام‌ده‌گی «اسخیپول» هوا قونالغه‌سیده یوزلب پرواز بېکار قیلینیشیگه سبب بۉلگن.
رویترز، ۷- جنوری، چهارشنبه کونی، خبر قیلیشیچه، «گورتی» بۉرانی اطلس اقیانوسیدن اروپاگه کیریب، پاریس‌ده قلین قار یاغیشی طفیلی پروازلر بېکار قیلینیب، ترانسپورت‌ده تیربندلیک یوز بېردی و کېنگ قمراولی اوزیلیشلر صادر بۉلدی.
پاریس‌ده ترانسپورتده‌گی معمالرگه قره‌مه‌ی، محلی اهالی و سیاح‌لر نایاب قار منظره‌سیدن فایده‌لنیب، ایفل مناره‌سی و شهر مرکزیده‌گی مشهور جایلرده دم آلیشدی.
آمستردام‌ده‌گی «اسخیپول» هوای قونالغه‌سیده تخمیناً ۷۰۰ پرواز بېکار قیلگنی سببلی مینگدن آرتیق یۉلاوچی کېچه‌نی ترمینال‌ده اۉتکزیشگه مجبور بۉلدی.
اوشبو کوچلی قار یاغیشی و موزلش اروپاده‌گی هوا قونالغه‌لرده کېتمه-کېت آلتی کوندن بېری اوزیلیشلرگه سبب بۉلماقده و آغیر ساووق دوام اېتیشی بیلن پروازلر سېکین باشلنیشی کوتیلماقده.
