سِرلی قتللر کوپه‌یشی؛ بادغیس ده ۴۶ یاشر بیر کیشی نینگ جسدی تاپیلدی
۸صبح، بادغیس: محلی منبعلر بادغیس ولایتیده ۴۶ یاشر بیر کیشی سِرلی شکلده اۉلدیریلگنیدن خبر بیره‌دیلر.
منبعلر ۸صبح کونده‌لیگی گه ایتیشلریچه، بو کیشی نینگ جسدی ۱۵ حمل، چهارشنبه کونی بالا مرغاب تومنی «قبچاق» ساحه‌سیده بیر «قودوق» ایچیدن تاپیلگن.
مذکور کیشی آلتی کون آلدین بالامرغاب تومنی نوآباد ساحه‌سیدن لادرک بولگن اېدی.
منبعلر گه کوره، بو آدم نینگ تنه‌سیده قییناق اېزلرینی کوریش ممکن.
اوشبو کیشی نینگ اۉلدیریلیش سببی و عامللری نامعلوم.
طالبان بوتوغریده حاضرگچه فکر-ملاحظه بیلدیرمه‌گن.
افغانستانده طالبان ایکّینچی مرته قدرت نی آلیشیدن سۉنگ، مملکت نینگ تورلی بورچکلریده سِرلی و ریجه‌لی قتللر سانی مثل‌سیز درجه ده آشگن.
سمنگان ولایتیده ۱ حمل ده باشی کېسیلگن بیر عیال نینگ جسدی آلتی یاشر باله‌سی بیلن تاپیگندی.
