منبعلر: خوست‌ده حامله‌دار عیال اۉز جانیگه قصد قیلدی
۸صبح، خوست: خوست‌دن بۉلگن منبعلر‌نینگ اَیتیشیچه، ایشلش اوچون بو شهرگه کېلگن بیر عایله‌‌نینگ حامله‌دار عیالی اۉز جانیگه قصد قیلگن.
منبعلر سه‌شنبه کونی، ۳ سنبله، ۸صبح گزېته‌سیگه اَیتیشیچه، بو عایله خوست ولایتی‌نینگ اسماعیل‌خیل و مندوزی تومنیگه کېلگن و اجاره‌گه آلینگن کیچیک اویده یشه‌یدی.
معلوماتلرگه کۉره، او قارنیده بیر فرزندی بۉلگن پیتده اۉز جانیگه قصد قیلگن.
منبعلر‌نینگ اَیتیشیچه، بو عیال‌نینگ اېری خشت پیشیریش کوره‌سیده خشت قویه‌دی و اونینگ اقتصادی احوالی آغیر.
اولر، شونینگدېک، حاضرگچه بو عیال‌نینگ اۉز جانیگه قصد قیلیشی‌نینگ انیق سببی معلوم اېمسلیگینی، بیراق آدملر‌نینگ اَیتیشیچه، اقتصادی معمالر اولر‌نینگ حیاتیگه سایه سالگنینی بیلدیریشدی.
اَیتیلیشیچه، بو عایله قَیسی ولایتدن کۉچیب کېلگنی معلوم اېمس، اما یقینده ایشلش و یشه‌ش اوچون خوست ولایتیگه کېلگن.
بو حالت طالبان‌نینگ قَیته حاکمیتگه کېلیشی بیلن آدملر آره‌سیده اقتصادی معمالر، ایشسیزلیک و روحی کسللیکلر کوندن-کونگه آرتیب باره‌یاتگن بیر پیتده یوز بېرماقده.
