منبعلر: بادغیس‌ده طالبان‌نینگ ۱۱ جنگچیسی زهرلندی
۸صبح، بادغیس: بادغیس‌دن بۉلگن منبعلر‌نینگ اَیتیشیچه، اۉتگن کېچه بو ولایتده‌گی حربی قرارگاه‌ده طالبان‌نینگ ۱۱ جنگچیسی زهرلنگن.
منبعلر سه‌شنبه کونی، ۳ سنبله، ۸صبح گزېته‌سیگه اَیتیشیچه، بو طالبان جنگچیلری گروه‌نینگ بادغیس ولایتیده‌گی اوردوسی‌نینگ اوچینچی پیاده لواسیگه تېگیشلی بۉلگن.
معلوماتلرگه کۉره، بوگون اېرته‌لب ساعت بېشده طالبان تیک اوچرلری بادغیس ولایتیگه کېلیب، زهرلنگن جنگچیلرینی هرات ولایتیگه آلیب کېتگن.
منبعلر‌نینگ اَیتیشیچه، طالبان اوشبو واقعه مناسبتی بیلن مذکور لوا‌نینگ آشپزینی حبسگه آلگن.
بیراق طالبان گروهی حاضرگچه بو واقعه، شونینگدېک، زهرلنگن جنگچیلری‌نینگ احوالی حقیده یېتکرمه‌لرگه هېچ نرسه معلوم قیلمه‌گن.
