ایران و امریکا اۉرته‌سیده‌گی کېلیشوو؛ بیرلشگن ملتلر تشکیلاتی اسراییل‌نینگ لبنانده‌گی «کېنگ کۉلملی حربی فعالیتی» حقیده خبر بېردی
بیرلشگن ملتلر تشکیلاتی، «ضدیتلرنینگ کمه‌ییشیگه قره‌مه‌ی، اسراییل‌نینگ جنوبی لبنانده‌گی کېنگ کۉلملی حربی فعالیتی» دوام اېته‌یاتگنینی بیلدیرگن.
الجزیره ترماغی، پنج‌شنبه کونی، ۱۸ جون، خبر بېریشیچه، بو حقده بیرلشگن ملتلر تشکیلاتی باش کاتبی‌نینگ مطبوعات کاتبی استفان دوجاریک، نیویارک‌ده معلوم قیلگن.
خبرگه کۉره، استفان دوجاریک اسراییل‌نینگ حربی فعالیتی «یوقاری زیچلیکده‌گی زره‌لی حرکتلر، ییریک مقیاسده‌گی مهندسلیک ایشلری و ویران قیلیش همده بوتون حدود بۉیلب اوزلوکسیز لوجستیک حرکتینی اۉز ایچیگه آله‌دی» دېب ایتگن.
شو بیلن بیرگه، اۉتگن کونی یریم کېچه محلی وقت بیلن ساعت ۴ گچه بیرلشگن ملتلر تشکیلاتی تینچلیکپرور کوچلری لبنان‌ده اسراییل تامانیدن لبنان هوا حدودی نینگ ۲۶ مرته بوزیلیشی و بیر هوا هجومینی قید اېتگن.
