ایران افغانستانده متامفتامین ایشلب چیقاریش آشیشیدن خواطرده
۸صبح، کابل: بیرلشگن ملتلر تشکیلاتی نینگ مخدر ماده و جنایتگه قرشی کوره‌ش دفتری افغانستانده خشخاش همده مخدرماده‌نی ایشلب چیقاریش کمیه‌یگنی تۉغریسیده بوندن نېچه هفته آلدین گزارش نشر قیلگنیدن کېین، ایرانلیک رسمیلر سۉنگی بیر هفته ایچیده کمده اوچ مرته اوشبو گزارش نینگ مضمونینی رد قیلدیلر.
ایران مخدر ماده‌گه قرشی کوره‌ش ستادی نینگ خلق ارا ایشلر بۉییچه دفتری نینگ باش کاتبی امیر عباس لطفی ۲۵- قوس شنبه کونی مملکتی افغانستانده مخدرماده نینگ شیشه توری ایشلب چیقاریلیشیدن خواطرده اېکنینی تیلگه آلگن.
پاریس میثاقی سیاستچیلری نینگ آنلان گروهی ییغینیده طالبان اداره‌سی آستیده‌گی افغانستانده مخدر ماده و خشخاشنی اېکیش ۹۵کمه‌یگنی باره‌سیده بیرلشگن ملتلر تشکیلاتی نینگ نشرگه قیلگن گزارشی حقیده ایتیشیچه، تشکیلات نینگ بو حقده‌گی تېکشیرووی موضوع نینگ تېسکریسینی کۉرسته‌دی.
لطفی نینگ تاکیدله‌شیچه: «بیزنینگ میدانی تېکشیروو و مشاهده‌لریمیز جاری ییلده مخدر ماده‌نی کشف قیلیش میزانی کمه‌یمه‌گن و شونینگدیک افغانستانده مخدرماده‌نی قاچاق قیلیش و ایشلب چیقاریش همان کۉپلیگنی کۉرسته‌دی.»
ایران مخدر ماده‌گه قرشی کورش ستادی نینگ خلق ارا ایشلر بۉییچه دفتری باش کاتبی، افغانستانلیک اېکینچیلر اوچون عملی و مناسب بیر یۉلنی تاکیدله‌دی.
عین حالده، اۉتگن آی بیرلشگن ملتلر تشکیلاتی نینگ مخدر همده جنایتگه قرشی کوره‌ش دفتری افغانستانده مخدر ماده و خشخاش اېکینی ۹۵ فایز کمه‌یگن دېب گزارش بېرگن اېدی.
آلدینراق هم ایرانلیک اوشبو بلند مرتبه‌لی رسمی افغانستان مخدر ماده‌لری حقیده خواطر بیلدیرگن اېدی.
