ایران: افغانستان ایکینچیلرنینگ تریاک یېتیشتیریشدن درآمدی اوچ برابر آشگن
۸صبح، کابل: ایران مخدر ماده‌گه قرشی کوره‌ش ستادی افغانستان اېکینچیلری نینگ «تریاک» اېکیش بۉییچه درآمدی اوچ برابر آشگنینی اعلان قیلدی.
ایسنانینگ گزارش بېریشیچه، ایران مخدرماده‌گه قرشی کوره‌ش ستادی نینگ سۉزلاوچیسی امیرعباس لطفی بو قبیل اظهاراتلرنی ۷-قوس سه‌شنبه کونی بیرلشگن ملتلر تشکیلاتی نینگ افغانستانده تریاک اېکیش کمه‌یگنی تۉغریسیده نشر قیلگن گزارشگه عکس‌العمل کۉرسه‌تیب، تیلگه آلگن.
اونینگ تاکیدله‌شیچه: «افغانستانلیک اېکینچیلر درآمدی نینگ میزانی میلادی جاری ییلده تریاک اېکینی بیردنگه اوچ برابر آشگن و بو ۴میلیارد دالر تخمین قیلینه‌دی، اما بو اوچ برابر کۉپه‌یشش نینگ باشقه بیر قسمی اېکیش نینگ ۳۲فایز آشگنی و اۉتگن ییلده مخدرماده نینگ قیمتی کۉتریلگنیدن کېلیب چیقه‌دی.»
لطفی، طالبان رهبری نینگ تریاک نینگ اېکیش و ایشلب چیقاریش اوچون فرمان چیقاریشیگه قره‌مه‌ی، مخدر ماده افغانستان همان اېکیلیب ایشلب چیقاریله‌دی دېب تیلگه آلگن.
افغانستانده تریاک اېکیش میزانی ۲۶۶ مینگ هکتار یېرگه یېتگن دېب تاکیدله‌گن او.
ایرانلیک بو بلند مرتبه‌لی رسمی نینگ قۉشیمچه قیلیشیچه: «افغانستانده مخدرماده نینگ اېکیش اۉرنیده نظرده توتیلگن بدیل یول هنوزگچه ثمره‌لی همده دایمی بیر حل یۉل اېمس دیر. بنابرین افغانستانده سنتی مواد ایشلب چیقاریلمه‌ی، بلکه بو مملکت قاره دارو ایشلب چیقاریش یورتیگه ایلنگن؛ بنابرین یېچیم یۉللر دایمی بۉلمسه وضعیت بوندن کۉره یامان بۉلیشی نینگ گواه بۉله‌میز.»
عین حالده، میلادی جاری ییل نینگ اوللریده بیرلشگن ملتلر تشکیلاتی نینگ (UNODC)جنایت و مخدرماده‌گه قرشی کوره‌ش دفتری افغانستانده تریاک ایشلب چیقاریش ۹۵کمه‌یگنی حقیده گزارش نشر قیلگن اېدی.
