جهان ساغلیقنی سقلش تشکیلاتی ۸۸۳ داکتر و ساغلیقنی سقلش خادملرینی اۉقیتدی
۸صبح، کابل: جهان ساغلیقنی سقلش تشکیلاتی افغانستان‌ده ۸۸۳داکتر و ساغلیقنی سقلش خادملرینی جمله‌دن ۶۶کیشی عیالنی اۉقیتگنینی اعلان قیلدی.
جهان ساغلیقنی سقلش تشکیلاتی ۲۳عقرب سه‌شنبه کونی ایکس اجتماعی ترماغیده یازیب، بو کیشیلر حادثه‌لرگه اساسلنگن ساغلیقنی سقلش بۉییچه پرورش قیلیش اصوللری حقیده اۉقیتیلگنلر دېگن.
تشکیلات مذکور داکترلر هرات، بامیان، قندهار، ننگرهار و بدخشان‌ده اۉقیتیلگنلر دېب ایتگن.
جهان ساغلیقنی سقلش تشکیلاتی بو کیشیلرنینگ اۉقیتیش لایحه‌سی صرفلنگن مالی خرجت جاپان دولتی تامانیدن تۉلنگن.
بو تشکیلات‌نینگ قۉشیمچه قیلیشیچه، بو لایحه‌دن اساسی آماج داکترلر همده ساغلیقنی سقلش خادملرینی صحی حادثه‌لرنی نظارت و باشقریش بۉییچه مَلکه‌لرینی آشیریش بۉلگن.
عین حالده بوندن نېچه وقت آلدین اروپا بیرلشمه‌سی افغانستان‌ده روحی ساغلیقنی سقلش خذمتلری و مخدر ماده‌لر بۉییچه جهان ساغلیقنی سقلش تشکیلاتی و بیرلشگن ملتلر تشکیلاتی نینگ مخدرماده و جنایت‌چیلیک اداره‌سیگه ۱۰ میلیون یورودن آرتیق مبلغ اجرتدی.
ایتیش کېره‌ک که طالبان حاکمیتگه تېپه‌سیگه کېلگندن سۉنگ افغانستان ساغلیقنی سقلش سکتوری قیینچیلیککه روپه ره بۉلگن.
