ایرانلیک رسمیلر: افغانستانده مخدرماده ایشلب چیقاریش میزانی آرتگن
۸صبح، کابل: اردبیل ولایتی مخدر ماده‌گه قرشی کوره‌ش هماهنگلیک کېنگشی کاتبی اکبر منتظر، افغانستانده مخدرماده ایشلب چیقاریلیشی مخدر ماده‌گه قرشی کوره‌شنی قیینلشتیرگن دېب ایتگن.
ایرنا خبرگزارلیگی نینگ گزارش بیریشیچه، منتظر ۲۰- قوس دوشنبه کونی خلخال مخدرماده‌گه قرشی کوره‌ش هماهنگلیک کېنگشی ییغینیده، جاری ییل نینگ بیرینچی آلتی آییده بو ولایتیده بیرمینگ و ۵۰۰ کیلوگرام مخدرماده کشف قیلینگن دیر دېب تیلگه آلدی.
اونینگ سۉزلریگه کۉره: «قۉشنی افغانستانده مخدر ماده ایشلب چیقاریلیشی و مخدر ماده ترانزیت اېتیش یۉلیده بۉلگنی اوچون مخدر ماده‌گه قرشی کوره‌شنی قیینلشتیرگن.»
او، افغانستانده مخدر ماده کمه‌یگنی تۉغریسیده‌گی ادعالرگه قره‌مه‌ی، بو مملکت هنوز هم دنیانینگ ۹۵ مخدر ماده‌سینی ایشلب چیقاره‌دی دېب ایتگن.
اونینگ تاکیدله‌شیچه: «افغانستان ایران بیلن قۉشنی بۉلگنی اوچون دنیانینگ ۹۰فایز مخدر ماده‌سی ایران‌ده کشف اېتیله‌دی و اونینگ باشقه مملکتلرگه ترانزیت قیلیش نینگ آلدی آلینه‌دی.»
عین حالده، بوندن آلدین ایران مخدر ماده‌گه قرشی کوره‌ش ستادی نینگ کاتبی اسکندر مومنی هم برچه گواه‌لر افغانستانده خشخاش اېکیش میزانی آرتگنینی کۉرسته‌دی دېگن اېدی.
اونینگ ایتیشیچه، طالبلرنینگ افغانستانده مخدر ماده‌نی اېکیش میزانی کمه‌یگنی حقیده‌گی ادعاسی هیچ وقت تهران اوچون قبول قیلینمه‌یدی.
