ایرلند بوگون فلسطین نی رسمیت گه تانیدی
ایرلند رسمی‌لری، اوشبو مملکت دولتی فلسطین نی مستقل بیر مملکت اوله‌راق تن آلیشینی اېتگنلر.
ایرلندلیک آگاه بیر منبع کیم‌لیگی ذکر بولمسلیک شرطی بیلن رویترز آژانسی گه ایتیشیچه، بو مملکت ۲۲ می، چهارشنبه کونی فلسطین نی مستقل بیر مملکت اوله‌راق تن آلیشینی اعلام قیلیشی ممکن.
منبع نینگ معلوماتی اساسیده، ایرلند باش وزیری سیمون هریس و تشقی ایشلر وزیری مایکل مارتین بوتوغریده یېتکرمه‌لر بیلن صحبت قیلیشی ممکن.
ایرلند، اسپانیا، سلوانیا و مالت اروپا اتفاقی گه اعضا مملکتلر صفتیده سۉنگی هفته‌لرده فلسطین نی مستقل بیر مملکت صفتیده تن آلیشلرینی اعلام قیلگن اېدیلر.
بو مملکتلر اۉرته شرق ده دایمی تینچلیک برقرار اېتیلیشی اوچون فلسطین مستقل بیر دولت صفتیده تن آلینیشینی یگانه یېچیم یول اته‌گنلر.
عین‌حالده نیچه کون آلدین امریکا بیرلشگن ملتلر تشکیلاتیده فلسطین عضویتینی وتو قیلگن اېدی.
حاضرگی کونده فلسطین اوشبو تشکیلاتده کوزه‌تووچی اوله‌راق اشتراک اېتماقده.
ایتیش کېره‌ک که ایرلند ۱۹۸۰ ییل فبروری آی ده اروپا اتفاقی گه اعضا بیرینچی مملکت بولیب و فلسطین نی مستقل بیر دولت صفتیده تانیلیشینی سۉره‌گندی.
بوندن آلدین اسپانیا باش وزیری پدرو سانچز بروکسل ده اروپا اتفاقی باشلیغ‌لری نینگ ییغیلیشیدن سۉنگ، مملکتی ایرلند، مالت و سلوانیا بیلن فلسطین دولتی تن آلینیشی خصوصیده بیرینچی آدیملر کوتاریلیشی اوچون کېلیشگنلرینی اعلام قیلگن اېدی.
