اسلامی یاردم تشکیلاتی: پاکستاندن چیقاریلگن عایله‌لرگه شاشیلینچ خدمت کۉرسته‌دی
۸صبح، کابل: اسلامی یاردم تشکیلاتی پاکستاندن چیقاریلگن افغانستانلیک مهاجرلر عایله اعضالریگه ننگرهار ولایتی‌نینگ تورخم منطقه‌سیده ضروری خذمت تقدیم قیلیشنی اعلان قیلدی.
اسلامی یاردم تشکیلاتی ۲۸- عقرب یک‌شنبه کونی بیر گزارش نشر قیلیب مذکور یاردملر انسان‌پرورلیک تشکیلاتلر آرقلی یېتکزیله‌دی دېگن.
شونینگدېک تشکیلات پاکستاندن کېلگن افغان قاچقینلرینی انیقلش و اولرنینگ احتیاجلرینی اۉرگنیش مقصدیده تورخم‌ده سوراو اۉتکزیلگینینی قۉشیمچه قیلدی.
گزارشگه کۉره، اوشبو سوراده ۶۳ فایز اېرککلر و ۳۷ فایز خاتینلر قتنشگنلر.
عین حالده، گزاشلرگه قره‌گنده، پاکستان حکومتی پیشاورده هم «ناقانونی» مهاجرلرنی اوشلب چیقاریش جریانینی باشله‌گنی ایلته‌دی.
دنیا ساغلیقنی سقلش تشکیلاتی، پاکستاندن اۉز یورتیگه قیتریلگن مهاجرلرنینگ کتّه قسمینی خاتین قیزلر و باله‌لر تشکیل اېته‌دی دېگن.
شوکبی افغانستاننی قوتقریش اوچون ملی مقاومت کېنگشی هم پاکستاندن چیقاریلگن مهاجرلر مملکت‌نینگ «معین منطقه‌لریده» جایلشتیریلیشیدن خواطر بیلدیرگن.
