کرملین: ترمپ نینگ روسیه‌ده‌گی نماینده‌سینی استعفاگه چیقریش اورینیشلری اوکراین تینچلیک جریانیگه تۉسقینلیک قیلماقده
کرملین مطبوعات کاتبی، دیمیتری پسکوف، ایتیشیچه، امریکا جمهور رییسلیگی نینگ مخصوص نماینده‌سی،استیو ویتکاف نینگ روسیه ده‌گی لوازمیدن چېتله‌تیشگه قره‌تیلگن اورینیشلر، اونینگ روسیه جمهور رییسی نینگ یاردمچیسی، یوری اوشاکوف بیلن بۉلگن ملاقاتلریگه عاید ادعا لردن کېین، اوکراین تینچلیک جریانینی بوزیشگه قره‌تیلگن.
پسکوف،۲۶- نوامبر، چهارشنبه کونی بیلدیریشیچه، بو باسیملر اوکراین ماجراسینی حل قیلیشده‌گی دیپلوماتیک جریان نینگ آلدینی آلیش مقصدیده بۉلیشی احتمالی یوقاری و تینچلیک جریانینی بوزیشگه قره‌تیلگن اورینیشلر نینگ بیر قسمی صفتیده کۉریله‌دی.
او تأکیدلشیچه، بو ملاقاتلرده هېچ قنده‌ی آگاهلنتیرووچی جهت موجود اېمس و امریکا جمهور رییسی، دونالد ترمپ، ایلگری بالواسطه ویتکاف‌نی حمایه قیلگنی اېسله‌تیب اۉتیلگن.
کرملین مطبوعات کاتبی شونینگدېک، بعضی شخصلر هر قنده‌ی واسطه بیلن دوام اېته‌یاتگن دیپلوماتیک جریان و مذاکره‌لرنی بوزیشگه اورینیشماقده دېب، قۉشیمچه قیلگن.
ویتکاف روسیه و اوکراین اۉرته‌سیده‌گی تینچلیک مذاکره‌لرینی یکونلش مقصدیده مسکوگه سفر قیلگن اېدی.
