کرملین: پوتین امریکا نینگ اوکراین اوروشینی یکونلش بۉییچه بعضی تکلیف‌لرینی قبول قیلیب و مذاکره‌گه تیارلیگینی بیلدیردی
کرملین معلوم قیلیشیچه، روسیه جمهور رییسی، ولادیمیر پوتین، اوکراین‌ده‌گی اوروشنی توگه‌تیش مقصدیده امریکا تامانیدن ایلگری سوریلگن ایریم تکلیفلرنی قبول قیلگن.
رویترز، ۳ -دسامبر، چهارشنبه کونی، خبر بېریشیچه، روسیه کېلیشووگه اېریشیش اوچون امریکالیک مذاکره‌چیلر بیلن اوچره‌شیش‌گه تیار اېکنینی بیلدیرگن.
خبرگه کۉره، کرملین مطبوعات کاتبی، دیمیتری پسکوف، مسکوده پوتین، امریکا جمهور رییسی‌نینگ مخصوص نماینده‌سی و ترمپ نینگ کویاوی بیلن بۉلیب اۉتگن اوزاق مذاکره‌لردن سۉنگ، هلی یکونی نتیجه‌گه اېریشیلمه‌گنینی ایتگن.
اونینگ تأکیدلشیچه، کېچه بیرینچی بار بې‌واسطه فکر المشینووی عمل‌گه آشیریلگن، ایریم تکلیف‌لر قبول قیلینگن، ایریملری اېسه قبول قیلیب بۉلمه‌یدیگن دېب تاپیلگن. او بو جریاننی یېچیم تاپیش نینگ طبیعی باسقیچی صفتیده بهاله‌گن.
پسکوف شونینگدېک، روسیه، ترمپ نینگ سعی-حرکتلرینی قدرلشینی، بیراق کرملین مذاکره‌لر حقیده منتظم معلومات بېرمسلیگینی قید اېتگن.
بونگه قدر، امریکا نینگ ۲۸ مجموعه‌دن عبارت تینچلیک تکلیف‌لری نوامبر آییده آشکار بۉلگن و اوکراین همده اروپالیک رسمی‌لر اونی تشویشلی دېب بهالب، بو تکلیف‌لر مسکونی قانیقتیرووچی یۉنه‌لیشده اېکنینی بیلدیرگن اېدی.
