میلر: طالبان تامانیدن امریکا فقرالری قولگه آلینیشی ایکی تامان همکارلیگی اۉستیگه سلبی تاثیر قویگن
امریکا تشقی ایشلر وزیرلیگی سۉزلاوچیسی متیومیلر گه کوره، طالبان تامانیدن اوشبو مملکت فقرالری نینگ قولگه آلینیشی واشنگتن نینگ بو گروه بیلن مثبت تعاملی اۉستیگه سلبی تاثیر قویگن.
میلر ۹ حوت، چهارشنبه کونی بو موضوع‌نی خبری بیر ییغیلیش ده بیان قیلدی.
اونینگ کوپه‌یتیریشیچه: «امریکا فقرالری قولگه آلینیشی امریکا نینگ طالبان بیلن مثبت تعاملی اۉستیگه سلبی تاثیر قویگن.»
افغانستانده حبس گه آلینگن امریکا فقرالری نینگ رقمی بیللی اېمس و طالبان هم اولر نینگ رقمینی بیللی قیلمسدن، اولردن بیرقطاری نینگ حبس گه آلینگن‌لیگینی تصدیقله‌گن.
میلر گه کوره، امریکا رسمی‌لری هردایم طالبان تورمه‌خانه‌لریدن بو مملکت فقرالری نینگ شرط‌سیز قوییب یوباریلیشینی سۉره‌گن.
ایتیش کېره‌ک طالبان ۲۰۲۲ ییل آگست آی ده افغانستانده رایان کوربت اسملی بیر امریکالیک نی قولگه آلگنلر.
امریکا تشقی ایشلر وزیرلیگی سۉزلاوچیسی اوشبو محبوس نینگ تقدیری حقیده ایتیشیچه: «امریکا هردایم طالبان وکیللری بیلن ییغیلیش‌لریده افغانستانده حبس گه آلینگن امریکالیک‌لر شرط‌سیز قوییب یوباریلیشینی تاکیدله‌گن.»
امریکالیک اوشبو فقرا نیمه عیب بیلن قولگه آلینگن‌‌لیگی همان نامعلوم دیر.
بوندن آلدین وال‌استریت ژورنال امریکالیک بیر رسمی‌دن نقل قیلیب، طالبان کوربت نینگ قوییب یوباریش اۉرنیده ۲۰۰۸ ییل ده گوانتانامو قماقخانه‌سیده حبس گه آلینگن افغانستان‌لیک محمدرحیم نینگ قوییب یوباریشنی اېسته‌گن دیب ایتگن اېدی.
عین‌حالده، بوندن آلدین رایان کوربت نینگ تورموش اۉرتاغی آنا کوربت، طالبان امریکا فقرالرینی جمله دن اېرینی دلیل‌سیز و سیاسی مقصد اوچون حبس گه آلگنینی ایتگندی.
