دایکندی‌ده ۶۰۰ مینگ‌دن آرتیق کیشی یونیسف‌نینگ ساغلیقنی سقلش دستورلریدن فایده‌لندی
۸صبح، دایکندی: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف)نینگ افغانستاندهگی وکیلی تاج‌الدین اویواله، دایکندی‌ده قریب ۶۲۷ مینگ کیشی جماعتچیلیک اشتراکیگه اساسلنگن ساغلیقنی سقلش دستورلریدن فایده‌لنگنینی اَیتدی.
اویواله دوشنبه کونی، ۱۹-اسد، ایکس صحیفه‌سیده دایکندی، بامیان‌دن کېین افغانستانده آچیق جایلرده حاجت چیقریش عملیاتیگه تۉلیق برهم بېریلگن ایکّینچی ولایت اېکنینی یازگن.
حساباتگه کۉره، اوشبو خدمتلر دایکندی ولایتی‌نینگ ۹ اولسواللیگیده تقدیم اېتیلگن.
اوشبو دستورلر‌نینگ مقصدی ساغلیقنی سقلش حالتینی یخشیلش و باله‌لر اوچون ینه‌ده ساغلام محیط یره‌تیش اېکنی اَیتیلگن.
یونیسف وکیلی‌نینگ اَیتیشیچه، اوشبو خدمتلر جاپان تشقی ایشلر وزیرلیگی همده بریتانیا‌نینگ تشقی ایشلر، همدۉستلیک و ترقیات وزیرلیگی یاردمیده تقدیم اېتیلگن.
