متقی طالبان اېلچیلردن پاکستان هجوملریگه نسبتا بو گروه‌نینگ مناسبتینی خلق‌ارا تشکیلاتلرگه یېتکزیشنی سۉره‌دی
۸صبح، کابل: طالبان تشقی ایشلر وزیری امیرخان متقی، اوشبو گروه‌نینگ تورلی مملکتلرده‌گی اېلچیلریدن افغانستانگه قرشی پاکستان‌نینگ هوا هجوملریگه نسبتا طالبان مناسبتینی خلق‌ارا تشکیلاتلرگه یېتکزیشنی سۉره‌گن.
طالبان تشقی ایشلر وزیرلیگی چهارشنبه کونی، ۲۷- حوت، ترقه‌تگن بیاناتیده ایتیشیچه، متقی اوشبو گروه اېلچیلری بیلن کابلده‌گی معتادلرنی دوالش مرکزیگه پاکستان تامانیدن یقینده قیلینگن هجوم حقیده ویدیو قۉنغیراق آرقه‌لی ملاقات قیلگن.
طالبان تشقی ایشلر وزیری اوشبو هجومنی خلق‌ارا تمایللرنینگ آچیق بوزیلیشی دېب اته‌گن.
شونینگدېک، بیاناتده ایتیلیشیچه، اېلچیلرگه مملکت تشقریسیده طالبان سیاستینی یېتکزیش اوچون ضرور کۉرستمه‌لر بېریلگن.
طالبان دعوا قیلیشیچه، کابلده‌گی معتادلرنی دوالش مرکزیگه پاکستان‌نینگ یقینده قیلگن هجومیده کمیده «۴۰۰» کیشی جان بېرگن.
بیرلشگن ملتلر تشکیلاتی‌نینگ تورلی اداره‌لری اوشبو مسأله بۉییچه مستقل و شفّاف تېرگاو اۉتکزیشنی طلب قیلگن.
