امیرخان متقی و بیرلشگن ملتلر تشکیلاتی باش کاتبی اۉرین‌باسری دوحه جریانی حقیده صحبتلشدیلر
۸صبح، کابل: طالبان تشقی ایشلر وزیری امیرخان متقی و بیرلشگن ملتلر تشکیلاتی باش کاتبی‌نینگ سیاسی و تینچلیک مساله‌لری بۉییچه اۉرین‌باسری روزماری دی‌کارلو دوحه جریانی حقیده تېلفون آرقه‌لی صحبتلشدیلر.
طالبان تشقی ایشلر وزیرلیگی یک‌شنبه، ۱۵-سنبله، ایکس صحیفه‌سیده اعلان قیلگن بیاناتیده اوشبو صحبتده طالبان و بیرلشگن ملتلر تشکیلاتی اۉرته‌سیده‌گی همکارلیک مساله‌لری محاکمه قیلینگنینی یازگن.
طالبان بیاناتیگه کۉره، اوشبو گروه تشقی ایشلر وزیری و بیرلشگن ملتلر تشکیلاتی باش کاتبی اۉرین‌باسری «دوحه جریانی دایره‌سیده‌گی کېله‌جکده‌گی همکارلیک و اۉزارا علاقه‌لر» حقیده محاکمه آلیب بارگن.
بو شوندی بیرحالده دیر که امریکانینگ افغانستان تینچلیک جریانی بۉییچه سابق وکیلی زلمی خلیلزاد هم امیرخان متقی بیلن اوچره‌شگن.
شونگه قره‌مه‌ی، طالبان گروهی حاضرگچه بیرلشگن ملتلر تشکیلاتی و روسیه‌دن باشقه هېچ بیر دولت تامانیدن رسماً تن آلینمه‌گن.
