ملا برادر برق ایشلب چیقاریش‌ده ایران‌نینگ تخنیکی همکارلیگینی سۉره‌دی
۸صبح، کابل: طالبان ریاست الوزراء اقتصاد اۉرین باسری ملا عبدالغنی برادر ایران‌دن برق ایشلب چیقاریش بۉییچه اۉز تجربه‌سی و همکارلیگینی بو گروه بیلن شریک قیلیب اۉرته‌گه قۉییشنی سۉره‌گن.
ملا برادر بو ایستکلرنی ۱۶-عقرب سه‌شنبه کونی ایران نینگ انرژی وزیری علی اکبر محرابیان بیلن تهران بۉلگن اوچره‌شووده بیلدیرگن.
طالبلر باشقرووده بۉلگن رسانه‌لر مرکزی بیر اعلامیه نشر قیلیب ایتیشیچه، اوچره‌شووده هر ایکّی تامان سوو باشقریلیشی، افغانستانده برق ایشلب چیقاریش اوچون ایران نینگ فنی همکارلیگی و سرمایه یاقتیزیش، دهقانچیلیک اوچون زمانوی سوغاریش سیستمی و ایکّی قۉشنی مملکتده قورغاغچیلیکنی برطرف اېتیش بۉییچه مساله‌لرنی محاکمه قیلگنلر.
اعلامیه‌گه کۉره، ایران انرژی وزیری علی اکبر محرابیان مملکتی قورقاقچیلیککه قرشی مشترک کۉره‌شیش، برق ایشلب چیقاریش، سرمایه یاتقیزیش و سوونی فایده‌له‌نیش و اونی باشقریش خصوصیده همکارلیک قیلیشدن ایشانچ بېرگن.
ایتیش کېره‌ک که ملا برادر رهبرلیگیده‌گی هیات جاری هفته شنبه کونی تهران باردی. مذکور هیات هنوزگچه، ایران تشقی ایشلر وزیری، عالی خمانه‌ای نماینده‌سی قۉشیمچه بیر قطار بلند مرتبه‌لی رسمیلر بیلن اوچره‌شیب ملاقات قیلگن.
بو آره‌ده، ملا عبدالغنی برادر ایران ایچکی ایشلر وزیری بیلن اوچره‌شگنده یېنگیل عیبلاو بیلن تورمه‌گه تشلنگن افغان محبوسلری آزاد اېتیلیب و قالگنلری بو گروه‌گه تاپشیریلیشینی سۉره‌گن اېدی.
