متقی دعواسی: پاکستان چېگره‌سی یاپیلگچ، سودا و صناعت اوچون مقابل یۉل‌لر یرتیلدی
۸صبح، کابل: طالبان تشقی ایشلر وزیری، امیرخان متقی پاکستان چېگره‌سی یاپیلگنیدن کیین، افغانستان سودا و صناعتی اوچون مقابل یۉل‌لر یرتیلگنینی دعوا قیلدی.
متقی، ۶- جدی، شنبه کونی، کابل‌ده بۉلیب اۉتگن تدبیرده، افغانستان حاضر کۉپلب محصولات‌لر بۉییچه «اۉزینی اۉزی تأمینله‌ی آله‌دیگن» حالت‌گه کېلگنینی و مملکت نینگ تورلی شهرلریده اهالیگه ضرور محصولات‌لر ارزان نرخلرده تکلیف اېتیله‌یاتگنینی ایتگن.
او، اوشبو مراسم‌ده بو حالتنی طالبان فعالیتیده‌گی «باشقروو و شفافلیک» نتیجه‌سی صفتیده بهاله‌گن.
طالبان تشقی ایشلر وزیری، شونینگدېک، هېچ بیر دولت‌گه ضرر یېتکزیش نیتی یۉقلیگینی تأکیدلب، بیراق افغانستان حدودی دخلسیزلیگیگه ضرر یېتکزیلسه، اونی حمایه قیلیشگه تیار اېکنلیکلرینی بیلدیرگن.
او، شونینگدېک، طالبان «مذاکره‌لر چوکییده اېنگ یخشی دلیل‌لرنی تقدیم اېتگنینی» هم قۉشیمچه قیلگن.
بو بیانات‌لر افغانستان و پاکستان اۉرته‌سیده‌گی چېگره اۉتیش یۉل‌لری همده سودا یۉل‌لری ایکی آیدن آرتیق وقتدن بېری چېگره ترنگلیکلری سبب یاپیق قاله‌یاتگن، نتیجه‌ده ایکی تامان اۉرته‌سیده‌گی اقتصادی المشینوو جدی ایزدن چیققن بیر پیتده ینگره‌ماقده.
