متقی دعواسی: طالبان رژیمی نینگ سیاسی موازنتی یخشی نتیجه بېرگن
۸صبح، کابل: طالبان تشقی ایشلر وزیری امیرخان متقی دعوا قیلیشیچه، اوشبو گروه رژیمی‌نینگ سیاسی موازنتی یخشی نتیجه بېرگن.
طالبان تشقی ایشلر وزیرلیگی سۉزلاوچیسی‌نینگ اۉرین باسری حافظ ضیا احمد، پنج‌شنبه کونی، ۲۷- حمل، امیرخان متقی‌دن بیر ویدیو بیانات ترقه‌تگن که اونده او اوشبو گروه رهبری هبت‌الله آخوندزاده‌‌نینگ ناتۉغری ایشلرنینگ آلدینی آلیشگه دایر اۉن یېتّینچی فرمانی حقیده گپیرگن.
متقی‌‌نینگ سۉزلریگه کۉره، برچه ساحه‌لرده موازنتگه رعایه قیلینیشی کېره‌ک و او طالبان رژیمی هر بیر اتنیک گروه وکیلینی اۉز ایچیگه آلیشینی دعوا قیلگن.
شونینگدېک، او طالبان اداره‌لریده شهر و قیشلاق حدودلریدن کېلگن آدملر هم موجودلیگینی دعوا قیلگن.
متقی اوشبو گروه رژیمیده اهالی اۉرته‌سیده موازنت و تېنگ اشتراک حقیده گپیره‌یاتگن بیر پیتده، عیاللر دېیرلی تۉلیق دولت و نادولت اداره‌لرده‌گی ایشلردن چېتلشتیریلگن.
اهالی اېسه طالبان کابینه‌سیده‌گی کۉپ ا‌ۉرینلر پشتونلر قۉلیده اېکنینی و باشقه اتنیک گروهلرنینگ اشتراکی کملیگینی اَیتماقده.
