نصیر احمد فایق: مملکتلر طالبلرگه قرشی برچه باسیم افاده‌لریدن فایده‌له‌نیشی کېره‌ک
۸صبح کابل: بیرلشگن ملتلر تشکیلاتیده‌گی افغانستان نماینده‌لیگی نینگ سرپرستی نصیر احمد فایق، ینه بیر مرته دنیا جماعه‌چیلیگیدن طالبلر انسان حقوقلرینی کېنگ کۉلمده آیاق آستی قیلگنی اوچون بو گروه‌گه تحریملر قۉشیمچه «برچه باسیملرنی» قۉللشنی سۉره‌دی.
فایق بو اظهارتلرنی میزان نینگ ۱۲- سی، چهارشنبه کونی بیرلشگن ملتلر تشکیلاتی نینگ انسان، اجتماع و فرهنگی کمیته‌سی ییغینی ایتدی.
فایق نینگ تاکیدله‌شیچه، طالبلر قیته‌دن قدرتگه اېریشیشی بیلن «زوروانلیککه یوزله‌نیب» خاتین – قیزلر حقوقی و آزادلیکلرینی کېمته- کېت آیاق آستی قیلیب کېلماقده.
فایق، طالبلر ۵۰دن آرتیق فرمان چقاریش بیلن افغانستان بۉیلب خاتین – قیزلر حقوقلرینی «چېکله‌گن» و دنیا اېسه افغانستان خاتین – قیزلری بیرلیگی اوچون اولرنینگ یانیده تورشی کېره‌ک دېب تیلگه آلدی.
اونینگ کۉپه‌یتیریشچه: «مملکتلر برچه واسطه‌لردن، جمله‌دن، انسان حقوقلری بوزیلیشیگه اساسلنگن تحریم‌لرنی قۉللش، اصولگه اساسلنگن اۉزارا همکارلیک و تیزیملی نژادی کمسیتیش یاکه جندر آپارتاید شکللنتیریش و تن آلیش حرکتلریدن فایده‌لنیشی کېره‌ک».
طالبلر ۷۴۳کوندن بیری آلتینچی صنفدن یوقاری قیزلرنی مکتب باریشینی منع اېتگینیگه اشاره قیلیب گپیرگن فایق نینگ کۉپه‌یتیریشیچه: «بو ایش اېسه عالی تحصیلات دوام بېریشینی برطرف بۉلم‌ی دېگن بیر معماگه ایلنتیرگن دیر.»
شونینگدیک بیرلشگن ملتلر تشکیلاتیده‌گی افغانستان نماینده‌لیگی سرپرستی اعتراضلر و اجتماعی رسانه‌لر طالبلر آرقلی باستیریلیشینی خواطرلی دېب: «دادخوالیک اوچون سېس چیقاره دېگن خاتین، اۉزلری حتی عیاله‌لری قۉلگه آلینه دی و ناقانونی کلتکلنه دیلر. اولرنینگ ایریملری اخلاقی جرملرگه عیبلنه‌دیلر.» دېدی.
عیال حقوقی فعاللری ژولیا پارسی و ندا پروانی قماققه آلینیشیدن خواطر بیلدیریب، طالبلرنینگ بو تدبیری «عدالت و ایرک سېورلیکنی اۉچیریش» اوچون عملگه آشیریلگن دېگن.
اونگه کۉره: «نهادلرنی یۉق اېتیش و سابق خاتین – قیزلرنی حمایت قیلوچی قانونلرنی بېکار قیلیش، خاتین – قیزلر حقوقینی حمایت قیلیش قضایی قۉللش بوشلیغینی یره‌تگن. بو امر اېسه ایچکی زوروانلیک همده زوردن تورموشگه چیقاریشگه باعث بۉلگن.»
او، طالبلر اوستیگه باسیم اۉتکزینگ « بیر سېس و بیر موقف» نی تیلگه آلیب دنیا جماعه چیلیگیگه خطاب قیلیب ایتیشچیه: «بیزلر بونده‌ی کتّه بیر عدالت‌سیزلیککه بی‌تفاوت قالمه‌یلیک و افغانستانلیک طالبلر حکمرانلیگی آستیده خاتین – قیزلر رنج و غمینی توگه‌تیش اوچون بیرله‌شیب هیچ کیم یکه قالدیریلمسلیک شعارینی اولرگه حقیقتگه ایلنتیره‌یلیک.
ایتیش کېره‌ک که ۱۲ میزان دنیانینگ سکسانته اولکه‌سی قۉشمه بیر بیانیه ده طالبلرنینگ افغانستانلیک خاتین – قیزلرگه قۉیگن چېکلاولرنی کۉتریلیشنی ایسته‌دیلر.
قۉشمه بیانیگه امضا قۉیگن دنیانینگ ۸۰ دولتی افغانستانلیک عیاللر دنیاده‌گی اېنگ تبعیض، باستیریش و حقوقی آیاق آستی بۉلیب کېله دېگن« قتّیق سیستماتیک» کمسیتیشگه روپه ره لر و اولر طالبلردن خاتین – قیزلرنینگ حقوقینی آیاق آستی قیلوچی بوتون فرمانلرنی تېزده کۉتریشنی طلب قیلگنلر.
